ރާއްޖޭ ގައުމީ ޓީމާއެކު މެޗެއް ކުޅުމަށް އިރާނާއި އިންޑިޔާއިން އެދިއްޖެ

ރާއްޖޭގެ ގައުމީ ޓީމާއެކު އެކުވެރިކަމުގެ މެޗެއް ކުޅުމުގެ ދައުވަތު އިރާނާއި އިންޑިޔާއިން ރާއްޖެއަށް ދީފިއެވެ.

ކުރިއަށް އޮތް 2014 ވަނަ އަހަރުގެ ވޯލްޑް ކަޕަށް ކޮލިފައިވެފައިވާ އިރާނުން ރާއްޖެއާއެކު އެކުވެރިކަމުގެ މެޗެއް ކުޅެން ދައުވަތު ދިނުމުން ސޯޝަލް މީޑިޔާގައި ގިނަ އަދަދެއްގެ ސަޕޯޓަރުން ގެންދަނީ އުފާ ފާޅު ކުރަމުންނެވެ.

އިރާނުން ވަނީ ވޯލްޑް ކަޕް ގްރޫޕް ސްޓޭޖަށް ކޮލިފައިވުމުގެ ކުރިން ކުޅުނު ކޮލިފައިން ޕްރި-ޕްރިލިމިނަރީ ބުރުގައި ރާއްޖެއާ ވާދަކޮށްފައެވެ. ފުރަތަމަ ލެގް އިރާނުގައި ކުޅެ 4-0 އިން ރާއްޖެ ބަލިވިނަމަވެސް ދެވަނަ ލެގުގައި ރާއްޖޭގައި ކުޅެ ވަރަށް ވާދަވެރި ކުޅުމަކަށްފަހު ރާއްޖެ ބަލިވީ 1-0 އިންނެވެ.

އިރާނަކީ 1988 ގެ ވޯލްޑް ކަޕް ކޮލިފައިންގައި ރާއްޖެ ކޮޅަށް 17 ލަނޑުޖަހައި އޭރު ދުނިޔޭގެ ރެކޯޑް ހެދި ގައުމެކެވެ.