ގުއަންޓަނާމޯބޭ މިއަހަރުތެރޭބަންދު ކުރުމަށް އޮބާމާ އިލްތިމާސް ކޮށްފި

2014 ވަނައަހަރަކީ ގުއަންޓަނަމޯ ބޭ ބަންދުކުރަންވީ އަހަރު ކަމުގައި އެމެރިކާގެ ރައީސްބަރަކް އޮބާމާ ވިދާޅުވެއްޖެއެވެ. އޮބާމާ މިކަން ހާމަކޮށްފައިވަނީ ސްޓޭޓް އޮފް ދަޔޫނިއަން ބަޔާން އިއްވަވަމުންނެވެ.

މިއަހަރުގެ ސްޓޭޓް އޮފްޔޫނިއަން ބަޔާން އިއްވަވަމުން ބުދަދުވަހު އޮބާމާވަނީ މީގެ ފަސް އަހަރުކުރިންވެސްއޮބާމާވެވަޑައިގެންފައިވާ ވައުދު އަނެއްކާވެސް އާކުރައްވާފައެވެ.

ކިއުބާގައި ހުންނައެމެރިކާގެ ނޭވަލް ބޭސްއެއްގައި ހުންނަ މުސްލިމުން ހައްޔަރު ކުރަމުންދާ މިޖަލުބަންދު ކުރުމަށް އޭނާއަށް އެހީވުމަށް އޮބާމާވަނީ އެމެރިކާގެ ކޮންގްރެސްގެ ކިބައިންއެދިފައެވެ.

"އަޅުގަނޑުމެންޓެރަރިޒަމާ ދެކޮޅަށް މަސައްކަތްކުރަނީ ހަމައެކަނި ޖާސޫސީ އަދި އަސްކަރީ ފިޔަވަޅުއަޅައިގެންނެއް ނޫން. އެހެނެއްކަމަކު އަޅުގަނޑުމެން އެކަންކުރާނީ ދުނިޔޭގެ އެހެންޤައުމުތަކަށް ނަމޫނާއަކަށް ވެގެން، އަޅުގަނޑުމެންގެ ޤާނޫނު އަސާސީއަށްބޯލަނބައިގެން،" އޮބާމާ ހާމަކުރެއްވިއެވެ.

ގުއަންޓަނާމޯ ބޭގައިތިބި 155ޤައިދީންނާ މެދު ކަންތައްކުރާނެ ގޮތަކާމެދު އޮބާމާ ވާހަކަދައްކަވާފައެއް ނުވެއެވެ.

2001 ވަނަ އަހަރުގެސެޕްޓެމްބަރު 11 އަށް ފަހު އެމެރިކާ ސަރުކާރުންދަނީ ގުއަންޓަނާމޯ ބޭގައި އެއްވެސްކޯޓު މަރުހަލާއަކާނުލަައި މުސްލިމުންގެ އެތަކެއް ބަޔަކު ހައްޔަރުކޮށް ލާއިންސާނީ އެކިކަހަލައަނިޔާތަށް ކުރަމުންނެވެ.