އެމެރިކާއިން އަފްޣާނުގެ ރައްޔިތުން ގަތުލުކުރަމުންދާކަމަށް ކަރްޒާއީ ތުހުމަތު ކުރައްވައިފި
15 ޖެނުއަރީ 2014 16:12
އެމެރިކާއިން އަފްޣާނިސްތާނުގެ އާންމު ރައްޔިތުން ގަތުލުކުރަމުންދާ ކަމަށް އެގައުމުގެ ރައީސް ހާމިދު ކަރްޒާއީ ތުހުމަތު ކުރައްވައިފިއެވެ.
ރައީސް ހާމިދު ކަރްޒާއީ މިހެން ވިދާޅުވެފައިވަނީ އަންގާރަ ދުވަހުގެ ރޭ އަފްޣާނިސްތާނުގެ ޕަރްވާން ޕްރޮވިންސްގެ ސީގާޑް އަވަށަށް އެމެރިކާއިން ދިން ވައިގެ ހަމަލާގައި އަންހެނަކާއި ހަތް ކުޑަކުދިން މަރުވެފައިވުމުން އެކަމާ ކަންބޮޑުވުން ފާޅުކުރައްވައި ނެރުއްވި ބަޔާނެއްގައެވެ.
"އެމެރިކާނުންގެ މިހަމަލާގައި ރޭގައި އެއް އަންހެނަކާއި އަދި ހަތް ކުޑަކުދިން ޝަހީދުވެ އިތުރު މީހަކަށް އަނިޔާވެފައިވެއެވެ،" އަފްޣާނިސްތާނުގެ ރިޔާސީ ގަނޑުވަރުން ނެރުނު މިބަޔާނުގައި ހާމަކޮށްފައިވެއެވެ.
"އަފްޣާނުގެ ވާދީތަކުގައި އެމެރިކާއިން ހިންގަމުންދާ މިފަދަ އޮޕަރޭޝަންތައް ހުއްޓާލުމަށް އަފްޣާން ސަރުކާރުން އެދެމުންދާތާ މިހާރު އަހަރުތަކެއް ވެއްޖެއެވެ. ނަމަވެސް ހުރިހާ އެއްބަސްވުންތަކާ ޚިލާފަށް އެމެރިކާނުންގެ އަސްކަރިއްޔާދަނީ އާންމު މީހުން އުޅޭ ސަރަހައްދުތަކަށް ހަމަލާދީ އާންމު ރައްޔިތުން މަރަމުންނެވެ،"
ސީގާޑް އަވަށް އޮންނަނީ ކާބުލްއާ އުތުރުން 40 ކިލޯމީޓަރު ދުރުގައެވެ.
ކިޔުންތެރިންގެ ހިޔާލު