ނޭޓޯ ސިފައިން ކީރިތި ޤުރްއާނުގެ ޙުރުމަތް ކެނޑުމުންއަފްޣާން ރައްޔިތުން މުޒާހަރާކޮށްފި
13 ޖެނުއަރީ 2014 20:15
އަފްޣާނިސްތާނުގައި ހަންފަތުރަމުން އަންނަ ނޭޓޯ ސިފައިންގެބަޔަކު މިސްކިތަކަށްވަދެ އެމިސްކިތުގައި ހުރި ކީރިތި ޤުރުއާނުގެ މުސްހަފުތަކަށްއިހާނެތިކޮށް ހަދައި ކީރިތި ޤުރްއާނުގެ ޙުރުމަތްކެނޑުމުގެ ސަބަބުން އަފްޣާންގެއާންމު ރައްޔިތުން ނޭޓޯ ސިފައިންނާއި ދެކޮޅަށް މުޒާހަރާތަކެއް ބާއްވައިފިއެވެ.
"ބޭރުގެ ސިފައިން ފުރަތަމަ ޝާނީޒްދާރާ ހިސާބުގައިހުންނަ ގެއަކަށް ވަދެގަތީ، ދެން އެތާ ކައިރީ މިސްކިތަކަށްވަދެ މުސްހަފްތަކަށްއިހާނެތިކޮށްހެދީ،" މުޒާހަރާގެ ބައިވެރިޔަކު އަފްޣާން އިސްލާމިކް ޕްރެސްއަށްކިޔައިދިނެވެ.
ރުޅިއައިސްފައިވާ އަފްޣާންގެ ރައްޔިތުން މަގުތަކަށްނިކުމެވަނީ އެމެރިކާއާއި އެމެރިކާގެ ރައީސް ބަރަކް އޮބާމާއާއި ދެކޮޅަށްއަޑުއުފުލައި އެމެރިކާގެ ދިދަ މުޒާހަރާގައި އަންދާލާފައެވެ.
މީގެއިތުރުން، މުޒާހަރާގެ ބައެއް ބައިވެރިންވަނީކާބުލްއާއި ކަންދަހާރުގެ ހައިވޭތަށްވެސް ބަންދުކޮށްފައެވެ.
އަފްޣާނިސްތާނަށް ވެރިވެގަނެފައިވާ އެމެރިކާ އަދިހުޅަނގުގެ ހަނގުރާމަވެރިންގެ ފަރާތްތަކުން ހިންގަމުން އަންނަ މިފަދަ ޖަރީމާތަކުގެސަބަބުން އަފްޣާނިސްތާނުގެ ރައްޔިތުންގެ މެދުގައި އެމެރިކާއާއި ހުޅަނގާއި ދެތޭރޭކުރިއަށް ވުރެ ބޮޑަށް ދަނީ ނަފުރަތު އުފެދެމުންނެވެ. 2011 ވަނަ އަހަރުގެ އޭޕްރީލްމަހުއެމެރިކާގެ ފްލޮރިޑާގައި ހައްދުފަހަނައަޅާފައިވާ ނަސާރާ ފާދިރީއަކު ޤުރުއާން މުސްހަފުތަކެއްއެންދުމުގެ ސަބަބުން އަފްޣާނިސްތާނުގައި ކުރި މުޒާހަރާތަކުގައި އ.ދ. ގެ ހަތްމަންދޫބުން ވަނީ މަރުވެފައެވެ.
އަފްޣާނިސްތާނުގެ ސިޔާސީ މަސްރަހު ދިރާސާ ކުރާ މާހިރުންހާމަކުރާ ގޮތުގައި އަފްޣާނިސްތާނުގައި ހަރަކާތްތެރިވަމުން އަންނަ ހުޅަނގުގެސިފައިންނަކީ އެޤައުމުގެ ރައްޔިތުންގެ އިހްސާސްތަކާއި، ދީނާއި އަދި ސަގާފަތަށް އެއްވެސްކަހަލަ އިހުތިރާމެއް ކުރާބައެއް ނޫނެވެ.
ކިޔުންތެރިންގެ ހިޔާލު