ޔަހޫދީ އިސްތިޢުމާރުން ޣައްޒާއަށް ވައިގެ މަގުން ހަމަލާދީ އެތަކެއް މުސްލިމުން ޤަތުލުކޮށްފި
25 ޑިސެމްބަރ 2013 23:59
ޔަހޫދީ އިސްތިޢުމާރުން ފަލަސްތީނުގެ ޣައްޒާއަށް ވައިގެ މަގުން ހަމަލާދީ އެތަކެއް މުސްލިމުން ޤަތުލުކޮށްފިއެވެ.
ޔަހޫދީންގެ މި ޓެރަރިސްޓް ހަމަލާގައި މަރުވި މީހުންގެ ތެރޭގައި 3 އަހަރުގެ ކުޑަ އަންހެން ކުއްޖަކު ހިމެނޭކަމަށާއި އަދި މިހަމަލާގައި އެތަކެއް ބަޔަކަށް ސީރިއަސް ޒަޚަމްތަކެއް ލިބިފައިވާކަމަށް ފަލަސްތީނުގެ ސިއްޙީ އިދާރާތަކުން ހާމަކުރެއެވެ.
މައުލޫމާތު ލިބިފައިވާގޮތުގައި ޔަހޫދީ އިސްތިއުމާރީ ދައުލަތުން މިހަމަލާދީފައިވަނީ ފަލަސްތީނުގެ ސްނައިޕަރއެއް ޔަހޫދީއަކު މެރުމުގެ ސަބަބުން އޭގެ ބަދަލެއްގެ ގޮތުންނެވެ.
ޔަހޫދީ އިސްތިއުމާރުން އަބަދާ އަބަދުގެ ފަލަސްތީނުގެ ޤަތުލު އާންމުތައް ހިންގަމުން ދާއިރު އެކަމާއި ދެކޮޅަށް ބައިނަލްއަޤްވާމީ ޖަމާޢަތްތަކުން އަޑު ނުއުފުލާކަން ފާހަގަކުރެވެއެވެ.
ޔަހޫދީ އިސްތިއުމާރުން ބުނާގޮތުގައި އެމީހުން މިހަމަލާދީފައިވަނީ ޓެރަރިސްޓުންނަށް އަމާޒުކޮށްގެންނެވެ. ޔަހޫދީންގެ މިބަހަށް އިންސާފަށް ލޯބިކުރާ ގިނަމީހުންދަނީ ފާޑުކިޔަމުންނެވެ. އެމީހުން ބުނާގޮތުގައި ޔަހޫދީންގެ މިބުނުމުން ދޭހަވަނީ ޔަހޫދީންނަށް މުސްލިމު ކުޑަ ކުދިންވެސް ސިފަވަނީ ޓެރަރިސްޓުގެ ގޮތުގައިކަމެވެ.
ކިޔުންތެރިންގެ ހިޔާލު