އައްޝަބާބު ޓެރަރިސްޓް ޖަމާޢަތުން ސޯމާލީ 12 ފުލުހަކު މަރާލައިފި
20 ނޮވެމްބަރ 2013 19:36
ސޯމާލިޔާގައި ހަރަކާތްތެރި ވަމުންދާ އައްޝަބާބު ޓެރަރިސްޓް ޖަމާއަތުން އެގައުމުގެ 12 ފުލުހަކު މަރާލައިފިއެވެ. އެޖަމާއަތުން މި ފުލުހުން މަރާލާފައިވަނީ ސޯމާލިއާގެ ފުލުހުންގެ އިދާރާއަކަށް ހަމަލާދީ ކާރެއް ގޮއްވާލައިގެންނެވެ.
މިހަމަލާއަށް ފަހު ބަދަލުގައި ސޯމާލީ ފުލުހުން ދިން ހަމަލާގައި 4 ޓެރަރިސްޓަކު މަރުވެފައިވާކަމަށް ޚަބަރުތަކުން ބުނެއެވެ.
ސޯމާލިއާގެ ހިރާން ސަރަޙައްދުގެ ގަވަރުނަރު ޢަބްދުލްފައްތާޙް ލަގަންޔޯ ހާމަކުރިގޮތުގައި އައްޝަބާބު ޖަމާޢަތުން ހަމަލާދީފައިވަނީ ސޯމާލީއާގެ ވެރިރަށް މޮގަދިޝޫއާއި 200 މޭލު އުތުރުން އޮންނަ ބަލަދްވީނީގެ ފުލުހުންގެ އިދާރާއަށެވެ.
"ފުރަތަމަ ބޮން އަޅާފައިވާ ކާރެއް ފުލުހުންގެ އިދާރާގެ ގޭޓުފަޅާލާފައިވަނީ. ވަނުމާއެކު އޭތި ގޮވާ މުޅިތަން ރޯވީ. އޭރު ގާތްގަނޑަކަށް ހެނދުނު 11 ޖަހާނީ،" ލަގަންޔޯ މައުލޫމާތުދިނެވެ.
އައްޝަބާބުގެ ތަރުޖަމާނު ޢަބްދުލްޢަޒީސް އަބޫ މުސްޢަބުވަނީ މިހަމަލާއަކީ އެޖަމާޢަތުންދިން ހަމަލާއެއްކަމުގައި ބުނެފައެވެ. އޭނާ ބުނެފައިވާގޮތުގައި މިހަމަލާގައި 41 މީހުން މަރުވެފައިވެއެވެ.
މަންޒަރުދުށް މީހުން ބުނާގޮތުގައި ޓެރަރިސްޓުން ކާރު ގޮއްވާލުމަށްފަހު ރައިފަލާއި، މެޝިން ބަޑިއާއި އަދި ރޮކެޓުންވަނީ ހަމަލާދީފައެވެ.
ކިޔުންތެރިންގެ ހިޔާލު