ހެޔޮވެރިކަމެއް ބޭނުން ކަމަށްވާނަމަ ވޯޓުލާން ނިކުންނަން ޖެހޭ- ރައީސް

ރާއްޖޭގައި ހެޔޮވެރިކަމެއް ގާއިމް ކުރަން ބޭނުން ކަމަށްވާނަމަސެޕްޓެމްބަރު 7 ގައި ބާއްވާ ރިޔާސީ އިންތިޚާބުގައި ވޯޓުލާން ނިކުތުމަށްރައީސުލްޖުމްހޫރިއްޔާ އަދި "ގައުމާއިގެން ކުރިއަށް" ކޯލިޝަންގެ ރިޔާސީކެންޑިޑޭޓް ޑރ. މުޙައްމަދު ވަހީދު ހަސަން މަނިކު ރޭ ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ "ގައުމާއިގެންކުރިއަށް" ކޯލިޝަނުން ދަރުބާރުގޭގައި ރޭ ބޭއްވި ކެންޕޭން ޖަލްސާގައި ވާހަކަދައްކަވަމުންނެވެ.

ޑރ. ވަހީދު ވިދާޅުވީ ވޯޓުލުމަކީ މަދަނީޒިންމާއެއް ކަމަށެވެ. ވޯޓުނުލާ ކަމަށްވާނަމަ ބައެއް ގައުމުތަކުގައި ކުށްވެރިވާ ކަމަށްވެސްވިދާޅުވިއެވެ. ހަގީގީ ޑިމޮކްރަސީއެއް ގެންނަން ބޭނުން ކަމަށްވާނަމަ އެންމެންވެސްވޯޓުލާން ނިކުތުމަށް ރައީސް ގޮވައިލެއްވިއެވެ.

އެމަނިކުފާނު ވިދާޅުވީ މާލޭ ސިޓީ ކައުންސިލްގެ އިންތިޚާބު ބޭއްވިއިރު ގިނަ ބަޔަކު ވޯޓުލާން ނުނިކުންނަކަމަށެވެ. އެހެންކަމުން އެކަމުގެ ހިތިކަން މިއަދު ތަޖުރިބާ ކުރަން ޖެހިފައިވާކަމަށެވެ. ސިޓީ ކައުންސިލްގެ އިންތިޚާބަށް ވަރަށް ގާބިލް ބޭފުޅުން ކުރިމަތިލެއްވިކަމަށްވެސް ރައީސް ވިދާޅުވިއެވެ. ނަމަވެސް އެފަދަ ބޭފުޅުންނަށް ކާމިޔާބު ނުވުމުގެ މައިގަނޑުމައްސަލައަކީ ވޯޓުލާން މީހުން ނުނިކުތުން ކަމަށެވެ. "އެބޭފުޅުން ހޮވުނު ނަމަ މާލޭސިޓީގައި މިއަދު އޮތީ ވަރަށް ތަފާތުކައުންސިލެއް. މާލޭގެ ރައްޔިތުންނަށް ވަރަށް ބޮޑެތި ފައިދާތަކެއް ކުރީސް. އެއާ ޚިލާފަށް އަޅުގަނޑުމެން އެދުވަހު ވޯޓުލާން ނުނިކުތީމާ ހޮވުނުމީސްމީހުންގެ ސަަބަބުން މިއަދު މުޅި މާލެ އަށް މިވަނީ އެކަމުގެ ހިތްދަތިކަން ވެރިވެފައި،" ރައީސްވިދާޅުވިއެވެ.

ރައީސް ވިދާޅުވީ ކުނިކޮޅު އުކާނުލެވިގެންއުޅެނީވެސް އެސަބަބާހެދި ކަމަށެވެ. މިހާރު ކައުންސިލުގައި ތިބި މީހުންއެކަންނުކުރާތީ ކަމަށްވެސް ރައީސް ވިދާޅުވިއެވެ. ރައީސް ވަހީދު ވަނީ ސިޓީކައުންސިލަށް ވަރަށް ބޮޑަށް ފާޑުވިދާޅުވެފައެވެ. އެމަނިކުފާނު ވިދާޅުވީ "ކިރިޔާވެސް ކަމުދާ ބަޔަކު އެ ކައުންސިލްގައި ތިބި ނަމަ" މާލެއަށް ދިމާވެފައިވާކުނީގެ މައްސަލަ ހައްލު ކުރިތާ ކިތަންމެ ދުވަހެއް ކަމަށެވެ.

އެމަނިކުފާނު ވިދާޅުވީ ވޯޓާސް ރެޖިސްޓްރީގެކަންކަން ވީހާވެސް އަވަހަށް ނިންމަން ޖެހޭ ކަމަށެވެ. ވޯޓު ލުމާއި މިދޭތެރޭއެކަށީގެންވާ މުއްދަތެއް ނެތްކަމަށާއި ކުރިއަށްއޮތް ދެތިން ދުވަހުގެ ތެރޭގައިރަޖިސްޓްރީގެ ކަންކަން ނިންމެވުމަށް އެމަނިކުފާނު އެދިވަޑައިގެންނެވިއެވެ.

"ގައުމާއިގެން ކުރިއަށް" ކޯލިޝަނުންބަޔަކު މީހުން ވަކިވެގެން ދިޔައީ ކެންޕޭން ހަރަކާތްތައް އެކަށީގެންވާ ގޮތުގައިކުރިއަށް ނުދާތީ ކަމަށްވިޔަސް ކަންކަން ކުރަންވާނީ ހިކުމަތްތެރި ކަމާއެކު ކަމަށްރައީސް ވިދާޅުވިއެވެ. އެމަނިކުފާނު ވިދާޅުވީ އެކޯލިޝަނުގެ ކެންޕޭން ހަރަކާތައްމިހާރުވަނީ ސްޕީޑު ޖައްސާފައި ކަަމަށެވެ.

މިޖަލްސާގައި އެމަނުކުފާނުވަނީ ކުރީގެހޯމްމިނިސްޓަރު އަދި މިހާރު ޕީޕީއެމްގެ ރިޔާސީ ކެންޑިޑޭޓް ޔާމީންގެ ރަނިން މޭޓް ޑރ. މުޙައްމަދު ޖަމީލް އަޙުމަދަށް ބަހުގެހަމަލައެއް ދެއްވައިފަ އެވެ. "ތިމަންނަމެން އައިސް މިވެނިމީހަކު އުމުރަށް ޖަލަށް ލާނަމޭ" ޖަމީލަށް އިޝާރާތް ކުރައްވައި ރައީސް ވަހީދުވިދާޅުވިއެވެ. އެކަމަކު އެކަމަށް ފުރުސަތު ލިބުމުން އެކަން ނުކުރައްވައިއެނެއްކާވެސް ވެރިކަމަށް އައިސް ކުރައްވާނެ ކަމަށް ވިދާޅުވުމަކީ ސިޔާސީ ބޭފުޅުންގެއަގު ވެއްޓޭ ކަމެއް ކަމަށްވެސް ވަހީދު ވިދާޅުވިއެވެ. ޑރ. ޖަމީލް ހޯމްމިނިސްޓަރަކަށް ހުންނެވި އިރުއޭނާ  ތަކުރާރުކޮށް ވިދާޅުވެފައިވަނީ ރައީސް ނަޝީދު ދިގު މުއްދަތަކަށް ޖަލަށް ލާނެ ކަމަށެވެ. މިކަހަލަދޮގުވާހަކަ ދައްކާ މީހުންނަށް ވޯޓު ދެއްވާނަންތޯ ރައީސް ވަނީ ރައްޔިތުންނާ ސުވާލުކުރައްވާފައެވެ.

ރޭގެ ޖަލްސާގައި ޑރ.ވަޙީދުވިދާޅުވީ އައްޑޫގައި ސާކުސަމިޓު ބާއްވަން ޚަރަދުކުރިއިރު ގަވާއިދާ ޚިލާފަށްކޮށްފައިވާ ކަމަށް އޮޑިޓްރިޕޯޓުގައި ބުނެފައިިވާ ޚަރަދުތަކުގެ މައްސަލަ ތަހުގީގުކުރުމަށް ރައީސްގެ ހައިސިއްޔަތުން ފުލުހުންނަށް ދަންނަވާފައިވާނެ ކަމަށެވެ.