ވިހެއުމުގެ ކުރިން ބަރުދަން ލުއިކުރުމަށް މާބަނޑު އެތެއް، ކަސްރަތު ކުލާހަށް ދާން ފަށައިފި

އެމެރިކާގެ ހައުސްޓޮން ޒޫގައި ގެންގުޅޭ ޓެސް ގެ ނަމުން ނަންދީފައިވާ މާބަނޑު އެތެއް ބަރުދަން ލުއިކުރުމުގެ ޕްރޮގުރާމެއްގައި ބައިވެރިކޮށްފިއެވެ.

އެ ޒުލުގެ އިސްވެރިއެއް ކަމަށްވާ ޑރ. ޑެނިސް ކްމިތު "ރޮއިޓާސް" އަށް މައުލޫމާތު ދެއްވަމުން ވިދާޅުވެފައިވަނީ އެ އެތް ބަރުދަން ލުއި ކުރުމުގެ ޕްރޮގްރާމުގައި ބައިވެރިކޮށްފައިވަނީ ވިހެއުމުގެ ތެރޭގައި އެތަށް ދިމާވެދާނެ ނުރައްކަލަކަށް ވިސްނުމަށްފަހު ކަމަށެވެ.

މީގެ ކުރިން ވެސް އެ ޒުލުގައި ގެންގުޅޭ ޖަނަވާރުތައް މި ފަދަ ޕްރޮގްރާމުތަކުގައި ބައިވެރިކޮށްފައިވެއެވެ. ހައުސްޓޮން ޒުލުން ފަށާފައިވާ ޕްރޮގުރާމުގައި ޓެސް އަށް ކޮންމެ ދުވަހަކުވެސް ތަފާތު ކަސްރަތު ތަކެއް ކުރަން ޖެހެއެވެ. މިގޮތުން އެތަށް ކޮންމެ ދުވަހަކު 2 މޭލަށް ހިނގަން ޖައްސައެެވެ. އަދި އޭތީގެ ކޮއްތު ތައްޔާރު ކޮށްފައިވަނީ ކެލޮރީސް މަދުކޮށެވެ.

ޓެސް ވިހެއުމުގެ ކުރިން 227 ކިލޯ ލުއި ކޮށްލާނެ ކަމަށް ޑރ. ޑެނިސް ވިދާޅުވެއެވެ. މިހާރު އޭތީގެ ބަރު ދަނަކީ 3500 ކިލޯ ގްރާމެވެ.