މެކްޑޮނަލްޑަށް ނުވަނުމުން ލޯބިވެރިޔާގެ ގައިގައި ޓްރަކަކުން ޖައްސައިފި
9 ނޮވެމްބަރ 2013 16:45
މެކްޑޮނަލްޑަށް ނުވަނުމުން އެކަމާ ރުޅިއައިސްގެން އެމެރިކާގެ އަންހެނަކު އޭނާގެ ލޯބިވެރިޔާގެ ގައިގައި ޓްރަކަކުން ޖައްސައިފިއެވެ.
އުމުރުން 41 އަހަރުގެ ސެންޓިއޭގޯ ހަރނަންޑޭޒްގެ ގައިގައި 33 އަހަރުގެ ކްރިސްޓަލް ބްރޫކްސް ޓްރަކުން ޖެއްސީ ހަރނަންޑޭޒް މެކްޑޮނަލްޑަށް ދާން އެއްބަސް ނުވުމުންނެވެ.
ކިންގްސްޕޯޓް ފުލުހުންގެ އިދާރާގެ ރިޕޯޓުގައި ހާމަކޮށްފައިވާ ގޮތުގައި މިހާދިސާ ހިނގަމުން މެދުވެރިވީ ހަރނަންޑޭޒް މިކްޑޯނަލްޑަށް ދާން ދެކޮޅު ހެދުމަށްފަހު ޓްރަކުން ބޭރުގައި މަޑުކޮށްގެން ހުއްޓާއެވެ. އަދި އޭނާގެ ގައިގައި އޭނާގެ ލޯބިވެރިޔާ ބްރޫކްސް ޓްރަކުން ޖެއްސުމުން ހަރނަންޑޭޒް ވިއްސައިގެން ގޮސް އޮތީ ޓްރަކްގެ ގާތްގަނޑަކަށް ދަށުވެފައެވެ.
ފުލުހުން މައުލޫމާތުދިން ގޮތުގައި ބްރޫކްސް އޭނަގެ ލޯބިވެރިޔާގެ ގައިގައި ޓްރަކުން ޖެއްސުމަށް ފަހު އަނެއްކާވެސް ރޭސްކޮށްލާފައި ދެފަހަރު އޭނާގެގައިގައި ޓްރަކުން ޖެއްސިއެވެ.
މިހާދިސާގެ ސަބަބުން ހަރނަންޑޭޒްއަށް މިހާރު ދަނީ ހޮސްޕިޓަލުގައި ފަރުވާދެމުންނެވެ. އަދި އޭނާގެ ޙާލު ސީރިއަސް ނޫންކަމަށް ޚަބަރުތައް ބުނެއެވެ. އަދި އޭނާގެ ލޯބިވެރިޔާ މިހާރުވަނީ މާރާމާރީގެ މައްސަލާގައި ސުލިވަން ކައުންޓީ ޖަލުގައި ބަންދުކޮށްފައެވެ. އޭނާގެ ލޯބިވެރިޔާ މެކްޑޮނަލްޑަށް ނުދިޔައީ ކީއްވެ ކަމެއް އެނގިފައެއް ނުވެއެވެ. އަދި އެތަނަށްދާން ލޯބިވެރިޔާ ގާތު އެދުނީ ކީއްކުރަން ކަމެއްވެސް އެނގިފައެއް ނުވެއެވެ.
ކިޔުންތެރިންގެ ހިޔާލު