ލޯބިވެރިޔާގެ ގައަށް ފެންބަޑިއަކުން ފެންޖެހުމުން ހައްޔަރުކޮށްފި
22 އޮކްޓޯބަރ 2013 0:10
ރަށްޓެހިވެގެން އުޅުނު މީހާ ގަޔަށް ފެންބަޑިއަކުން ފެންޖެހުމުން އެމެރިކާގެ އަންހެނަކު ހައްޔަރު ކޮށްފިއެވެ.
އެއަންހެން މީހާ އޭނާގެ ލޯބިވެރިޔާގެ ގަޔަށް ފެންބަޑިން ފެންޖަހާފައިވަނީ ދެމީހުންގެ މެދުގައި ހިނގި ދެބަސްވުމެއްގައެވެ. އެމެރިކާގެ ފްލޮރިޑާގައި މިއަންހެން މީހާ ހައްޔަރުކޮށްފައިވަނީ ގެވެށި އަނިޔާގެ ތުހުމަތުގައެވެ. ޖޯވަނާ ބޯރޖް އޭނާގެ ލޯބިވެރިޔާގެ ގަޔަށް ކުޅޭކުޅޭ ފެންބަޑިއަކުން ފެންޖަހާފައިވަނީ އޭނާ ރުޅިއެރުވުމަށް ކަމަށްވެއެވެ.
އެމެރިކާގެ ނޫސްތަކުން ހާމަކުރާގޮތުގައި 19 އަހަރުގެ ބޯރޖް މި"ހަމަލާ" ދީފައިވަނީ އޭނާ ހިތް ނުރުހޭ ބަސްތަކެއް އޭނާ ރައްޓެހިވެގެން އުޅުނު ޒުވާނާ ބުނުމުން، އެކަމާ ހިތްހަމަ ނުޖެހިގެން އެފިރިހެން މީހާގެ ކިބައިން ބަދަލުހިފުމުގެ ގޮތުންނެވެ.
ބޯރޖް ފުލުހުންނަށް ދީފައިވާ ބަޔާނަށް ހަވާލާދީ ނޫސްތަކުން މިހެން ހާމަކޮށްފައިވީ ނަމަވެސް ބޯރޖް ބުނާގޮތުގައި އޭނާ އޭނާގެ 'ބޯއިފްރެންޑަށް' ފެންބަޑިއަކުން ފެންޖެހީ ތަންކޮޅެއް ކުރީ ދުވަހެއްގައި އޭނާގެ ލޯބިވެރިޔާ އޭނާގެ ގައިގައި ބާލީހަކުން ޖަހައިފައިވުމުން އެކަމުގެ ބަދަލެއްގެ ގޮތުންނެވެ.
ބޯރޖްގެ ފެނުގެ "ހަމަލާ" ގައި އެއްވެސް މީހަކަށް ގެއްލުންވެފައި ނުވި ނަމަވެސް އޭނާގެ ލޯބިވެރިޔާ ވަނީ އެއްކޮށް ތެމިފައި ކަމަށް މަޢުލޫމާތު ލިބެއެވެ.
ކިޔުންތެރިންގެ ހިޔާލު