ދަތުރު ކުރަން ފޫހިވާ ކަމަށް ބުނެ ރޭލުން ފުންމާލައިފި
7 ނޮވެމްބަރ 2013 0:09
އެމެރިކާގެ އަޔޯވާ ހުރަސްކޮށް ދަތުރުކުރަމުން ދިޔަ ރޭލެއްގައި އިން ފަސިންޖަރަކު ރޭލުގެ ކޮންޑަކްޓަރު ކައިރީ ދަތުރު ކުރުމަކީ ވަރަށް ފޫހިވާކަމެއް ކަމަށް ބުނެ ރޭލުން ފުއްމާލައިފިއެވެ.
ރޭލުގެ ކޮންޑަކްޓަރު ހާމަކުރިގޮތުގައި އެއަންހެން މީހާ އެއް ސީޓުން އަނެއް ސީޓަށް ބަދަލުވާތީ އާއި މާ ހާސްވެގެން އުޅޭތީ ހަމަޖެހުމަށް ބުނުމުން 31 އަހަރުގެ އެއަންހެން މީހާ ދަތުރުކުރަމީ ވަރަށް ފޫހިވާކަމެއްކަމުގައި ބުނެފައި ރޭލުގެ ދޮރެއް ހުޅުވާލާފައި ރޭލުން ބޭރަށް ފުއްމާލިއެވެ.
މޮންޓްގޮމެރީ ކައުންޓީ ޝެރިފް ޖޯ ސޭމްޕްސަން ހާމަކުރިގޮތުގައި ސްޓެފަނީ ކެރައިން ހަޓް ނަމަކަށް ކިޔާ ފްރާންސްގެ މިއަންހެން މީހާ ރޭލުން ފުއްމާލިއިރު ރޭލުގެ ދުވެލި ހުރީ ގަޑިއަކު 79 މޭލު ބާރުމިނުގައެވެ.
ފުލުހުންނަށް މިހާރު އެއަންހެން މީހާގެ ހަށިގަނޑު ފެނިފައިވާ ކަމަށްވެސް އޭނާ މައުލޫމާތު ދީފައިވެއެވެ.
ކިޔުންތެރިންގެ ހިޔާލު