ރޭގަނޑުގެ ކެއުން ލަސްވުމުން އަމިއްލަގެ ރޯކޮށްލައިފި
29 އޮކްޓޯބަރ 2013 19:55
ރޭގަނޑުގެ ކެއުން ލަސްވުމުން އަނބިމީހާދެކެ ރުޅިއައިސްގެން އެމެރިކާގެ މީހަކު އޭނާގެ ގެ އެކީ ރޯކޮށްލައިފިއެވެ.
އެމެރިކާގެ ވެސްޓް ވަރޖިނިއާގެ ކަނަވާ ކައުންޓީގެ ސީސަންވިލްގެ 60 އަހަރުގެ ގާއި އެޑްވަރޑް ޖޯންސް އޭނާގެ ގެ ރޯކޮށްލުމުން އެސަރަޙައްދުގެ ފުލުހުންވަނީ އޭނާ ހައްޔަރު ކޮށްފައެވެ.
ޚަބަރުފަތުރާ ވަސީލަތްތަކުން ހާމަކުރާ ގޮތުގައި ގާއި އެޑްވަރޑް އެރޭ ގެއަށް އައިސްފައިވަނީ ވަރަށް ގަދައަށް ރާބޮއިގެންނެވެ. އަދި ގެއަށް އައިރު ރޭގަނޑުގެ ކެއުން ތައްޔާރުކޮށްފައި ނުވުމުން އޭނާގެ އަނބިމީހާއާ ދެމީހުން އަރާރުންވިއެވެ. އަދި ގާއި އެޑްވަރޑް މާބޮޑަށް ރުޅިއައިސްފައި ހުރުމުން އޭނާގެ އަނބިމީހާ އަވަށްޓެރި ގެއަކަށް ދުވެފައި ދިޔައެވެ.
އަނބިމީހާ ދިއުމުން އައި ރުޅިން ގާއި އެޑްވަރޑް އޭނާގެ ގޭގައި ރޯކޮށްލިއެވެ. އަދި ގޭގައި ރޯކޮށްލުމުން އެގެވަނީ އެއްކޮށް އަނދައި ހުލިވެފައެވެ.
މަޢުލޫމާތު ލިބިފައިވާގޮތުގައި ގާއި އެޑްވަރޑް ވަނީ މިހާރު ސައުތު ސެންޓްރަލް ރީޖަނަލް ޖަލުގައެވެ.
ކިޔުންތެރިންގެ ހިޔާލު