އެމެރިކާގެ ސުޕަރމާޓަކަށް ކިނބުލެއް ވަންނަން މަސައްކަތްކޮށްފި
24 އޮކްޓޯބަރ 2013 19:14
އެމެރިކާގެ ފްލޮރިޑާގެ ސުޕަރމާޓަކަށް ކިނބުލެއް ވަންނަން މަސައްކަތްކޮށްފިކަމަށް އެސަރަޙައްދުގެ ޚަބަރުފަތުރާ ވަސީލަތްތަކުން ހާމަކޮށްފިއެވެ.
6 ފޫޓު ދިގުމިނުގައި ހުރި މިކިނބޫ ވޯލްމާޓަށް ވަންނަން އުޅުމުން އެތަނުގެ މުވައްޒަފުންވަނީ އެތަނުގެ ހުރިހާ ދޮރުތަކެއް ތަޅުލާފައެވެ.
"އެއީ ހެޔޮވަރު ވަރެއްގެ ކިނބުލެއް. އޭތި ހަމަ ހިތްހަމަޖައްސާލަން އިނީ،" އެސުޕަރމާޓުގައި އެވަގުތުހުރި ރޮބިން ވަޓްކިންސް ނަމަކަށް ކިޔާ އަންހެނަކު މިހާދިސާއާއި ގުޅިގެން ރޭޑިއޯކަށް މަޢުލޫމާތުދިނެވެ.
"އޭތި ބަލާލަންދެން އޯކޭ އެކަމަކު ސުޕަރމާޓުގެ ދޮރުތައް ތަޅުލިކަން އެއީ ހަމަ ނަސީބު. އަހަރެން ހުރީ އަހަރެންގެ ދަރިފުޅުގޮވައިގެން،" އޭނާ އިތުރަށް ކިޔައިދިނެވެ.
ފްލޮރިޑާގެ ނޫސްތަކުން ހާމަކޮށްފައިވާގޮތުގައި ވޯލްމާތުގެ މުވައްޒަފުން ފުލުހުންނަށް ގުޅައިގެން ފުލުހުން އޭތި ހައްޔަރުކުރުމަށް އައިއިރު ކިނބޫވަނީ އެތަނުން ގޮސްފައެވެ.
ކިޔުންތެރިންގެ ހިޔާލު