ކާގަޅާއިން ގޯޅިއޮބިނޯގެ މައްޗަށް ކުރިހޯދައިފި

ހައްދުންމަތީ ގަމު "ރަމަޟާން ފުޓް ސެލް ކަޕުގެ" ގުރޫޕު ސްޓޭޖުގައި ރޭ ގޯޅި އޮބިނޯ އާއި ކާގަޅާ ބައްދަލުކުރި މެޗު 3-0 ގެ ނަތީޖާއަކުން ކާގަޅާ މޮޅުވެއްޖެއެވެ.

ކާގަޅާގެ ފުރަތަމަ ގޯލު ކާމިޔާބު ކޮށްދިނީ ޖޯޒީ ނަންބަރު 92 ތާރިގެވެ. އަނެއް ދެ ގޯލު އެ ޓީމަށް ކާމިޔާބުކޮށްދިނީ އެ ޓީމުގެ އާދަމް ލަރީފެވެ. މެޗުގެ މޭން އޮފް ދަ މެޗަށް ވެސް ހޮވުނީ އޭނާއެވެ.

ގުރޫޕު ސްޓޭޖުގައި އިތުރު ހަތަރު މެޗެއް ކުޅެފައިވެއެވެ. މިގޮތުން އެފްސީ ލިއަމްޑީ ގޯލި ބޯއީސް ބައްދަލު ކުރި މެޗުވަނީ ތިނެއް ތިނެއްގެ ނަތީޖާއަކުން އެއްވަރުވެފައެވެ. އަދި ބަރުލަމާނީ އާއި ޒުވާނުންގެ ގުޅުން ކުޅުނު މެޗު ވަނީ 5- 1 ގެ ނަތީޖާއަކުން ބަރުލަމާނީ ވަނީ މޮޅުވެފައެވެ. ގޯޅި ހިފި ޓީމާއި އަމިގޯސް ބައްދަލު ކުރި މެޗުން މޮޅުވީ ގޯޅި ހިފިއެވެ. ގޯޅި ހިފިން 4 ގޯލު ޖަހާފައިވާއިރު، އިމިގޯސް އިން ވަނީ ދެ ގޯލު ޖަހާފައެވެ.

މި މުބާރާތުގެ ގުރޫޕް ސްޓޭޖުގެ ހަތަރު މެޗު ކޮންމެ ރެއަކު ކުޅުމަށްވަނީ ހަމަޖެހިފައެވެ.