ޖޭޕީގެ ލީޑަރު ޤާސިމް އިބްރާހީމް މަރާލަން އިންޒާރު ދީފައިވާ ކަމުގެ މައްސަލައެއް ފުލުހުން ބަލަން ފަށައިފި

ޖުމްހޫރީ ޕާޓީގެ ލީޑަރު އަދި މާމިގިލީދާއިރާގެ ރައްޔިތުންގެ މަޖިލީހުގެ މެމްބަރު ޤާސިމް އިބްރާހީމް މަރާލަން ބަޔަކު އިންޒާރު ދީފައިވާ މައްސަލައެއް ބަލަން ފުލުހުން ދެންމެ ފަށައިފިއެވެ.

ފުލުހުންގެ މީޑިއާ އިސް ބޭފުޅަކު ވިދާޅުވީމިއަދުން ފެށިގެން އެފަދަ މައްސަލައެއް ބަލަމުންދާ ކަމަށެވެ. ނަމަވެސްމިމައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައިނުވާކަމަށްވެސް އޭނާ ވިދާޅުވިއެވެ.

މިމައްސަލަ ހުށަހެޅީ ކޮންފަރާތަކުން ކަމެއް އަދިހުށަހެޅި ތާރީޚެއްވެސް ފުލުހުން ހާމަ ނުކުރައްވައެވެ. "އަޅުގަނޑުމެންނަށްތިޔަ މައްސަލަވަނީ ހުށަހަޅާފައި. އެމައްސަލަ ބަލަމުން މިދަނީ. އިތުރު އެއްވެސްމައުލޫމާތެއް މިވަގުތު ދެވެންނެތް،"  އޭނާވިދާޅުވިއެވެ.

ޖޭޕީގެ ސްޕޯކްސް ޕާސަންއިމާދު ސާލިހު ވިދާޅުވީ މިކަމާ ގުޅޭ އިތުރު މައުލޫމާތެއް ލިބިފައިނުވާ ކަމަށެވެ."ފުލުހުން ހާމަކޮށްފައިވާ އެއްޗެއް ނޫން އެހެން އެއްޗެއް އަދި އެނގިފައެއްނެތް،"އިމާދު ވިދާޅުވިއެވެ. ޖުމްހޫރީޕާޓީގެ ނާއިބް ލީޑަރު އަމީން އިބްރާހީމް ވެސް ވިދާޅުވީ މިކަމާ ގުޅޭ މައުލޫމާތެއް ލިބިވަޑައިގެންފައި ނުވާ ކަމަށެވެ.