ޤާސިމް އިބްރާހީމް އެމްޑީޕީއާ ގުޅޭނެ ކަމަށްޤަބޫލެއް ނުކުރަން: ޖަމީލް

ޖުމްހޫރީޕާޓީ (ޖޭޕީ) ގެ ލީޑަރު އަދި މާމިގިލީދާއިރާގެ މެންބަރު ޤާސިމް އިބްރާހީމް އެމްޑީޕީއާ ގުޅިވަޑައިގެންފާނެ ކަމަށް ޤަބޫލުނުކުރައްވާ ކަމަށް ރައްޔިތުންގެ މަޖިލީހުގެ ގެމަނަފުށީ ދާއިރާގެ މެމްބަރު ޖަމީލްޢުސްމާން ވިދާޅުވެއްޖެއެވެ.

"ދުވަސް" އަށްމަޢުލޫމާތު ދެއްވަމުން އޭނާ ވިދާޅުވީ ޤާސިމް އެމްޑީޕީއާ ގުޅިވަޑައި ނުގަންނަވާނީއިދިކޮޅު ޕާޓީއާ ގުޅިގެން ރައްޔިތުންނަށް ކޮށްދެވޭނެ ކަމެއް ނެތުމުން ކަމަށްޖަމީލް ވިދާޅުވިއެވެ. "ސަރުކާރުން މިހާރުވެސް އަންނަނީ ރައްޔިތުން ބޭނުންވާކަންތައްތައް ޑެލިވަރ ކޮށްދެއްވަމުން. ޤާސިމަކީ ވެސް ސީދާ ރައްޔިތުންނަށްކަންތަތައް ތަކެއް ޑެލިވާރ ކޮށްދިނުމަށްޓަކައި މަސައްކަތް ކޮށްދެއްވާ ބޭފުޅެއް.އެހެން ވީމާ އެމްޑީޕީއާ ގުޅިގެން ރައްޔިތުންނަށް ކޮށްދެވޭނެ އިތުރުކަމެއްއޮތްކަމަށް ގަބޫލެއް ނުކުރަން،" ޖަމީލް ވިދާޅުވިއެވެ.

އޭނާ ވިދާޅުވީ ސަރުކާރުން އަންނަނީ ވަރަށްރަނގަޅަށް ޕީޕީއެމްގެ މެނިފެސްޓޯ ތަންފީޒު ކުރަމުން ކަމަށެވެ. އެކަމުގެނަތީޖާއެއްގެ ގޮތުން ރައްޔިތުން ތިބީ ވަރަށް ހިތްހަމަޖެހިފައި ކަމަށްވެސް އޭނާވިދާޅުވިއެވެ. އެހެން ކަމުން ޤާސިމް އިދިކޮޅު އެމްޑީޕީއާ ގުޅިގެން ރައްޔިތުންނަށްއިތުރަށް ކޮށްދެވޭނެ ކަމެއްނެތް ކަމަށް އޭނާ ވިދާޅުވިއެވެ.

ޖަމީލް ވިދާޅުވީ ޤާސިމް އިބްރާހީމަކީ އެމްޑީޕީގެވެރިކަމުގައި އެޕާޓީއާއެކު މަސައްކަތް ކުރެއްވި ބޭފުޅެއް ކަމަށެވެ. އެހެންކަމުންއެޕާޓީގެ އެތޭރައިހުރި މައްސަލަ ޤާސިމަށް އެނގިވަޑައި ގަންނަވާ ކަމަށެވެ. އެހެންކަމުން އެމްޑީޕީއާ ގުޅިވަޑައިގެންނެވުމުގެ ބަދަލު ޤާސިމް ދެން މަސައްކަތްކުރައްވާނީ ޖޭޕީއާގެން ކުރިއަށް ވަޑައިގެންނެވުން ކަމަށްވެސް އޭނާ ވިދާޅުވިއެވެ.

ކޯލިޝަން ރޫޅުނު މައްސަލާގައި ޖަމީލް ވިދާޅުވީއެހެން އެކަންވީ ފުރަތަމަ މަރުހަލާގައިވެސް ޖޭޕީއާއި ޕީޕީއެމް އިން މަޝްވަރާ ނުކުރުމުންކަމަށެވެ. ޕީޕިއެމްއާ މަޝްވަރާ ކުރުމުގެ ބަދަލުގައި ޤާސިމް ވަޑައިގެންނެވީއެމްޑީޕިއާ މަޝްވަރާ ކުރައްވަން ކަމަށް ވިދާޅުވިއެވެ. "ކޯލިޝަންގެޕާޓްނަރެއްގެ ގޮތުގައި އޮވެ އެމްޑީޕީއާ މަޝްވަރާކޮށް މީޑިއާގެ ކުރިމަތީގައިމަންޒަރުތައް ދައްކާ ޕަބްލިކަށް ނުބައި އިމޭޖެއް ދެއްކީ. އޭގެ ބަދަލުގައި ސީދާޤާސިމް އިބްރާހީމް ޖޭޕީގެ ފަރާތުން އިސްނަންގަވައިގެން ޕީޕީއެމްއާ މަޝްވަރާކޮށްގެން މިކަންތައްތައް ކުރިއަށް ގެންދިޔަނަމަ މިއަދާ ހަމައަށް އައިއިރު ރަނގަޅުސޮލިއުޝަނެއް ފެންނާނެ ކަމަށް އަޅުގަނޑަށް ގަބޫލު ކުރެވެނީ،" ޖަމީލްވިދާޅުިވިއެވެ.

ޖަމީލް ވިދާޅުވީ ސިޔާސީ އެފަދަ މައްސަލަތަކަކީހަމައެކަނި އެސްއެމްއެސް އެއް ފޮނުވައިގެން ހައްލު ކުރެވޭނެ މައްސަލަތަކެއްނޫންކަމަށެވެ. އެފަދަ މައްސަލަތައް ހައްލުވާނީ މޭޒުދޮށަށް އައިސް ތަފްސީލްކޮށްމަޝްވަރާ ކޮށްގެން ކަމަށެވެ.

ޤާސިމް ކޯލިޝަނާ ވަކިވުމަކީ ޕީޕިއެމްއަށް ލިބުނުގެއްލުމެއްތޯ ދެންނެވުމުން ޖަމީލް ވިދާޅުވީ އެއީ ގެއްލުމެއްނޫން ކަމަށެވެ. އޭގެބަދަލުގައި އެއީ ޕީޕީއެމްއަށް ލިބުނު ކުރިއެރުމެއް ކަމަށް އޭނާ ވިދާޅުވިއެވެ.

"ޤާސިމް އިބްރާހީމް ޕީޕީއެމް ދޫކޮށްފައިދިޔަ ދިޔުމަކީ ސިޔާސީ ގޮތުން ވިސްނާއިރު ޕީޕީއެމްއަށް ފުރިހަމައަށް އަމިއްލަ ބާރުލިބުން ކަމަށް ބެލެވިދާނެ. އެއީ ޤާސިމަށް ލިބިފައިހުރި ހުރިހާ ބާރުތަކާ އެއްކޮށް ޕީޕީއެމްތެރޭގައި މަސައްކަތް ކުރުމަކީ ޕީޕީއެމްއަށް ހަގީގަތުގައި ލިބޭ ގެއްލުމަކަށްވެދާނެތީ،" ޖަމީލް ވިދާޅުވިއެވެ.

ޤާސިމް ވަކިވެ ވަޑައިގެންނެވުމުން ޕީޕީއެމްއަށްމާބޮޑު ޗެލެންޖެއް ކުރިމަތިވާނެ ކަމަށް ގަބޫލު ނުކުރައްވާ ކަމަށްވެސް ޖަމީލް ވިދާޅުވިއެވެ.އެއީ ސަރުކާރުން މިހާރުވެސް އަންނަނީ ރައްޔިތުންނަށް ބޭނުންވާ ކަންކަން ފޯރުކޮށްދެއްވަމުން ކަމަށް ވާތީ ކަމަށް އޭނާ ވިދާޅުވިއެވެ.

ޤާސިމް ނުވަތަ ޖޭޕީ ކޯލިޝަނުން ވަކިވުމުގެސަބަބުން ސަރުކާރު ހިންގުމަށް ދަތިވެދާނެތޯ ދެންނެވުމުން ޖަމީލް ވިދާޅުވީ ވަގުތީގޮތުން ދަތިވެދާނެ ކަމަށެވެ. "ޖޭޕީން ކުއްލިއަކަށް އެކަހަލަ ޑިޒިޝަނެއްނަގައިގެން ދިޔުމަކީ ކުޑަދުވަސް ކޮޅަކަށް ސަރުކާރަށް ދަތިވެދާނެ. އެއީމަގާމުތަކާއި މަސްއޫލިއްޔަތު އެހެން ބަޔަކަށް ހަވާލުކޮށް، މިހާރުވެސް ހިނގަމުންދާޕްރޮޖެކްޓްތަކަށް ކޮންމެވެސް ވަރެއްގެ މަޑުޖެހުމެއް އަންނާނެ. އެކަމަކު ވަރަށްކުރުމުއްދަތެއްގައި އިރާދަ ކުރެއްވިއްޔާ އެކަން ކަވަރު ކުރެވޭނެ. އެއީޕީޕީއެމްގައި އެބަހުރި އެ ކޭޕަބިލިޓީ. އެ ރިސޯސްތައް އެބަހުރި،" ޖަމީލްވިދާޅުވިއެވެ.