ބޭނުން ނުކުރާ 82 ވެހިކަލް ފުލުހުން ނަގައިފި
15 ފެބްރުއަރީ 2014 21:47
މިއަދު ކުރިއަށް ގެންދިޔަ އޮޕަރޭޝަނުގައި މަގުމަތީގައި ޕާކުކޮށްފައި ހުރި ޕިކްއަޕެއް ނަގައިގެން ގެންދަނީ. ފޮޓޯ: ޕޮލިސް މީޑިއާ
ބޭނުން ނުކޮށް މަގުތަކުގައި ގިނަ ދުވަސްވެފައި ހުރި ވެހިކަލްތައް ނެގުމަށް ފުލުހުން މިއަދު ހިންގި ހަރަކާތުގައި 82 ވެހިކަލް ނަގައިފައިވާ ކަމަށް ފުލުހުން ހާމަކުރައްވައިފިއެވެ.
ފުލުހުންގެ މީޑިއާއިން ހާމަކުރައްވާފައިވާ ގޮތުގައި މިހަރަކާތުގައި ފުލުހުންވަނީ 4 ފުރޮޅުކީ 57 އުޅަނދާއި، 25 ސައިކަލް ނަގައިފައިވެއެވެ.
ޓްރާންސްޕޯޓް އޮތޯރިޓީން ހަމަކުރައްވާފައިވާ ގޮތުގައި ފުލުހުން މިހަރަކާތް ފެށިއިރު 100 އަށް ވުރެ ގިނަ ވެހިކަލް ބޭނުންނުކޮށް މަގުމައްޗަށް ދޫކޮށްފައިވެއެވެ.
ފުލުހުން އިއްޔެ ކުރިމަސައްކަތުގައި ޓްރާންސްޕޯޓް އޮތޯރިޓީ އާއި މާލޭ ސިޓީ ކައުންސިލާއި، އެމްޓީސީސީއާއި، އެސްޓީއޯގެ އިތުރަށް އެމްޕީއެލްގެ އެހީތެރިކަން ލިބިފައިވާ ކަމަށް ފުލުހުންވަނީ ހާމަކުރައްވާފައެވެ.
މިމަސައްކަތް ކުރަމުންދާއިރު ވެހިކަލްތައް ނައްތާލުމުގެ ކުރިން އޭގެ ވެރިން ހޯދާނެ ކަމަށްވެސް ޓްރާންސްޕޯޓްއޮތޯރިޓީން ވަނީ ހާމަކުރައްވާފައެއެވެ. މިމަސައްކަތް ނިންމާލުމަށް ދެތިންމަސް ހޭދަވާނެ ކަމަށްވެސް އެތަނުން ހާމަކުރެއްވިއެވެ.
ކިޔުންތެރިންގެ ހިޔާލު