މަރުވެފައިވާ ޒުވާނަކު ހުޅުމާލޭ ފަޅުތެރެއިން ފެނިއްޖެ

މަރުވެފައިވާ ޒުވާނަކު ހުޅުމާލޭ ފަޅުތެރެއިން ފެނިއްޖެ ކަމަށް ފުލުހުން ހާމަކުރައްވައިފިއެވެ.މަރުވެފައި އޮއްވައި ފެނިފައިވަނީ ނ. މިލަދޫ، ހުދުރުވާގޭ ހުސައިން އަބްދުލް ކަރީމް (22އ) ކަމަށްވެސް ފުލުހުން ހަމާކުރައްވާފައިވެއެވެ. ފުލުހުންގެ ވެބްސައިޓުގައި ބުނެފައިވަނީ އޭނާ ފެނިފައިވަނީ ހުޅުމާލެ ކަންނެލި ޖެޓީއާ ދިމާ ފަޅުގެ އަޑިން ކަމަށެވެ.

މިހާތަނަށް އެނގިފައިވާ ގޮތުގައި އޭނާއަކީ އެސަރަހައްދުގައި ފަޅުގައި އަޅާފައި އޮތް ދޯންޏެއްގައި މަސައްކަތްކުރާ ޒުވާނެއް ކަމަށް ފުލުހުން ބުނެފައިވެއެވެ.

ފުލުހުން ބުނެފައިވަނީ އޭނާ މޫދު އަޑިއަށް ގޮސް މައްޗަށް ނާރާކަމުގެ މަޢުލޫމާތު އޭނާއާއެކު އެސަރަހައްދުގައި އުޅުނު މީހުންގެ ފަރާތުން ފުލުހުންނަށް ހުށަހަޅާފައިވަނީ ރޭ 22:57 އެހައިކަންހާއިރު ކަމަށެވެ. މެރިން ޕޮލިސް އާއި އެމް.އެން.ޑީއެފްގެ ޑައިވަރުން އެސަރަހައްދަށް ގޮސް ފީނައިގެން ހޯދަމުން ދަނިކޮށް އޭނާގެ ހަށިގަނޑު ފެނިފައިވަނީ ރޭ 23:50 އެހައިކަންހާއިރު މޫދުއަޑިންނެވެ.

އޭނާގެ ހަށިގަނޑު ނަގައިގެން ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ހުޅުމާލެ ހޮސްޕިޓަލުން މަޢުލޫމާތުދީފައިވާ ކަމަށް ފުލުހުން ބުނެފައިވެއެވެ.

ހުޅުމާލެ ޕޮލިސް ސްޓޭޝަނުން މިހާރު ގެންދަނީ މިމައްސަލަ ތަހުގީގު ކުރަމުންނެވެ.