ސައިކަލްތަކެއްގައި ރޯކޮށް ހަތް ސައިކަލެއް ބޭނުން ނުކުރެވޭ ވަރަށް އަންދާލައިފި

ލޮނުޒިޔާރަތްމަގުގައި ޕާރކްކޮށްފައި ހުރި ސައިކަލުތަކެއްގައި ރޭ ދަންވަރުގެ ވަގުތެއްގައި ރޯކޮށްފިއެވެ.

ފުލުހުން ހާމަކުރެއްވި ގޮތުގައި 8 ސައިކަލެއްގައިވަނީ ރޯކޮށްލާފައވެ. އޭގެ ތެރެއިން 7 ސައިކަލެއްވަނީ އެއްގޮތަކަށްވެސް ބޭނުން ނުކުރެވޭ ވަރަށް އަނދައިފައެވެ. އަދި 2 ސައިކަލަކަށް އަލިފާނުގެ އަސަރުކޮށް ވަރަށް ބޮޑަށް ހަލާކުވެފައިވާ ކަމަށް ފުލުހުންވަނީ ހާމަކުރައްވާފައެވެ.

ސައިކަލުތަކުގައި ރޯކޮށްލި ކަމުގެ މައުލޫމާތު ފުލުހުންނަށް ލިބިފައިވަނީ ރޭ ދަންވަރު 03:18 އެހާކަންހައި އިރު ކަމަށް ފުލުހުން ހާމަކުރެއްވިއެވެ.

ފުލުހުން ބުނެފައިވަނީ މިމައްސަލައާ ގުޅިގެން މިހާތަނަށް 2 މީހަކު ވަނީ ފުލުހުންގެ ބެލުމުގެ ދަށަށް ގެނެފައެވެ. މައުލޫމާތު ލިބިފައިވާ ގޮތުގައި ފުލުހުން މިމީހުން އަތުލައިގަތްއިރު އެމީހުންގެ އަތުގައި ޕެޓްރޯލްހަން ހުއްޓެވެ. ނަމަވެސް ފުލުހުން އެކަން ޔަގީންކޮށް ދެއްވާފައެއް ނުވެއެވެ.

ސައިކަލުތަކުގައި ރޯވެފައިވާ އަލިފާންގަނޑު ރޭ ނިންވާލާފައިވަނީ ފުލުހުންނާއި އެމް.އެން.ޑީ.އެފް ފަޔަރ އެންޑް ރެސްކިއު ގުޅިގެން ކުރި މަސައްކަތުންނެވެ.

ފުލުހުން މިހާރު ގެންދަނީ މިމައްސަލަ އިތުރަށް ބަލަމުންނެވެ.