ސީރިޔާގެ އަނިޔާވެރި ސިފައިން ޙަލަބަށް ވައިގެ މަގުން ހަމަލާދީ އެތައް ބަޔަކު މަރާލައިފި
23 ޑިސެމްބަރ 2013 20:25
ސީރިޔާގެ އަނިޔާވެރި ސިފައިން ޙަލަބަށް ވައިގެ މަގުން ހަމަލާދީ އެތަށް ބަޔަކު މަރާލައިފިއެވެ.
ހެލިކޮޕްޓަރުން ދިން މިހަމަލާގައި މަރުވެފައިވާކަމަށް މިހާތަނަށް ކަށަވަރުވެފައިވަނީ 56 މީހުން ކަމަށާއި އަދި މީގެ ތެރޭގައި ކުޑަކުދިންނާއި އަންހެނުންވެސް ހިމެނޭކަމުގައި ސީރިޔަން އޮބްސަރވޭޓަރީ ފޮރ ހިއުމަން ރައިޓްއިން ހާމަކުރެއެވެ.
ސީރިޔާގެ ހުދުމުޚްތާރު ވެރިޔާ، ބައްޝާރުލް އަސަދުގެ އަނިޔާވެރި ސިފައިން ދިން މިހަމަލާގެ އަމާޒަކަށްވެފައިވަނީ އާންމު ރައްޔިތުން ދިރިއުޅެމުން ދިޔަ ދެބުރީގެ އިމާރާތަކާއި އަދި މާރުކޭޓެކެވެ.
"މެޑިކުން މިހާރު މީހުންގެ ގުނަވަންތައް ނަގަމުންދަނީ، އަދި ޔަޤީނެއް ނޫން ކިހާވަރެއްކަމެއް މަރުވެފައިވަނީ،" ޙަލަބްގެ މީޑިއާ ސެންޓަރުގެ ހަރަކާތްތެރިޔެއްކަމުގައިވާ ހަސޫން އަބޫ ފައިސަލް ޚަބަރުދިނެވެ.
ހަސޫން ބުނިގޮތުގައި ބައްޝާރުގެ ސިފައިން މިހަމަލާދީފައިވަނީ، ގޮވާތަކެތިން ފުރާފައިވާ ފީފާތަކެއް ހެލިކޮޕްޓަރުން ވައްޓާލާގެންނެވެ.
ސީރިޔާގެ ދާޚިލީ ހަނގުރާމައިގައި މުސްލިމުންގެ އެތަކެއް ބަޔަކު ސީރިޔާގެ ޝީޢީ ސަރުކާރުން ދަނީ މަރަމުންނެވެ.
ކިޔުންތެރިންގެ ހިޔާލު