ބައްޝާރުގެ ސަރުކާރުން ހަމައެކަނި ވަޅިން 2900 މީހުން މަރާލާފައިވޭ
11 ޑިސެމްބަރ 2013 18:03
ސީރިޔާގެ ރައީސް ބައްޝާރުލް އަސަދުގެ އަނިޔާވެރި ސަރުކާރުން ހަމައެކަނި ވަޅިފަދަ ތޫނު ހަތިޔާރު ބޭނުންކޮށްގެން ރަޙުމްކުޑަގޮތަކަށް 2900 އަށްވުރެ ގިނަ މީހުން މަރާލާފައިވާކަމަށް އެޤައުމުގެ އިދިކުޅު ހަރަކާތުން ހާމަކޮށްފިއެވެ.
ބައިނަލްއަޤްވާމީ އިންސާނީ ޙައްޤުތަކާ ބެހޭ ދުވަހާ ދިމާކޮށް ސީރިޔާގެ ނެޝަނަލް ކޯއެލިޝަނުން ނެރެފައިވާ ރިޕޯޓުގައި ބުނެފައިވާގޮތުގައި މީގެ ތެރޭގައި އެތަކެއް ސަތޭކަ ކުޑަދިންނާއި އަންހެނުން ހިމެނޭކަމުގައެވެ."މިއީ ދުރާލާ ރާވައިގެން ހިންގާފައިވާ ލޭހޮރުވުންތަކެއް،" އެރިޕޯޓުގައި ހާމަކޮށްފައިވެއެވެ.
ރިޕޯޓުގައި ހާމަކޮށްފައިވާ މިފަދަ ހާދިސާތަކުގެ ތެރޭގައި ހޫލާ އަވަށުގައި 25 މޭ 2012 ގައި ހިންގި ލޭއޮހޮރުވުން ހިމެނެއެވެ. ބައްޝާރުލް އަސަދުގެ ސިފައިންވަނީ އެއަވަށުގެ އެތަކެއް ސަތޭކަ ބަޔަކު އެދުވަހު މަރާލާފައެވެ.މީގެ އިތުރުން ބަނިއާސް ސިޓީއާއި ބައިދާ ވާދީގައި ހިންގާފައިވާ ލާއިންސާނީ ލޭހޮރުވުންތަކުގެ ވާހަކަ އެރިޕޯޓުގައި ހާމަކޮށްފައިވެއެވެ.
ކިޔުންތެރިންގެ ހިޔާލު