ދެކުނު ސޫދާންގައި ދެމުންދާ ވަރުގަދަ ހަމަލާތަކުގައި 26 ސިފައިން މަރުވެއްޖެ
17 ޑިސެމްބަރ 2013 23:34
ދެކުނު ސޫދާންގެ ވެރިރަށް ޖޫބާގައި ފެށިގެން އުޅޭ ހަމަނުޖެހުމުގައި ދެމުން އަންނަ ހޫނު ހަމަލާތަކުގައި ގާތްގަނޑަކަށް 26 ސިފައިންވަނީ މަރުވެފައެވެ.
މިހަމަލާތައް ފެށިފައިވަނީ ސޫދާންގެ ރައީސް ސަލްވާ ކީރުގެ ކުރީގެ ޑެޕިއުޓީގެ ސަޕޯޓަރުން ހިންގަން އުޅުން ބަޣާވާތް ސަލާމަތީ ބާރުތަކުން ހުއްޓުވުމަށްފަހު އެއްދުވަސް ފަހުންނެވެ.
ޓްވިޓަރގައި އެމެރިކާގެ އެމްބަސީއިން ބުނެފައިވާ ގޮތުގައި ބަޑީގެ ހަމަލާތަކުގެ އަޑު ޓޮމްޕިންގގެ ހިސާބުގަނޑަށް އަޑުއިވެމުންދާ ކަމަށާއި މީހުންނަށް ގޭގައި ތިބުމަށް އަންގާފައިވާކަމަށެވެ.
ހެލްތު މިނިސްޓްރީގެ އޮފިޝަލެއް ކަމުގައިވާ ޑޮކްޓަރ މާކުރު މަތޫރް ކަރިއޮމް ރޮއޮޓަރސް ނިއުސް އެޖެންސީއަށް ހާމަކޮށްފައިވާ ގޮތުގައި ޖޫބާ ޓީޗިންގް ހޮސްޕިޓަލަށް ގެނައި މީހުންގެ ތެރެއިން މަދުވެގެން 26 މީހުންވަނީ މަރުވެފައިކަމަށާއި އެތަނުގައި އޭނާ ވަރަށް ގިނަ ޒަޚަމްވެފައިވާ މީހުންނަށް ފަރުވާދެމުންދާކަމަށެވެ.
ހޯމަ ދުވަހު އަސްކަރިއްޔާއާއި ދެމެދު ފެށުނު މިހަމަލާތަކަކީ ޖުލައި މަހު މަޤާމުން ވަކިކުރެވިފައިވާ ކުރީގެ ނާއިބު ރައިސް ރީކް މާޗަރ ވެރިކަމަށް އަންނަންވެގެން ފަށައިގަތް ކަމެއްކަމަށް ރައީސް ސަލްވާ ކީރު ހާމަކުރިއެވެ.
ޖޫބާގެ މަގުތައްވަނީ މުޅިން ހަނަފަސްވެ އެއްވެސް މީހެއްގެ ހިލަމެއްނުވެ މަގުމަތިން ފެންނަން ހުރީ ހަމައެކަނި އަސްކަރީ އުޅަނދުތަކެވެ.
ހަމަލާތައް ދޭން ފެށިފަހުން ގިނަ ސިޔާސީ ފަރާތްތައްވަނީ ހައްޔަރު ކުރެވިފައިކަމަށާއި މިބަޣާވާތުގެ އިސް ފަރާތްތަކަމުގައިވާ ރީކް މާޗަރ ހައްޔަރު ކުރެވިފައިވާ ކަމެއް ޔަޤީންކޮށް ބުނަން ނޭނގޭކަމަށް ސޫދާންގެ ޚާރިޖީ ވަޒީރު ވަނީ ހާމަކޮށްފައެވެ.
އަލްޖަޒީރާގެ ރިޕޯޓަރ ރަޢުޔާ ރާގޭ އަވައްޓެރި ނައިރޯބީއިން ރިޕޯޓްކޮށްފައިވާ ގޮތުގައި އޭނާ މާޗަރގެ ތަރުޖަމާނާއި އަންގާރަދުވަހު ވާހަކަދެއްކުމުން ބުނެފައިވަނީ " އޭނާ ހައްޔަރެއްނުކުރެވޭ. އޭނާވީ ޖޫބާގައި. އޭނާހުރީ ހެޔޮ ހާލުގައި" ކަމަށެވެ.
ކިޔުންތެރިންގެ ހިޔާލު