މަންޑޭލާގެ ހަނދާންތައް އާކުރުމުގެ ގޮތުން މަންޑޭލާގެ ސިފާގައި ބުދެއް ބަހައްޓައިފި
16 ޑިސެމްބަރ 2013 21:56
ނެލްސަން މަންޑޭލާގެ ހަނދާންތައް އާކުރުމުގެ ގޮތުން ސައުތު އެފްރިކާގައި މަންޑޭލާގެ ސިފައަށް ފަރުމާކުރެވިފައިވާ ބޮޑު ބުދެއް ބަހައްޓާފިއެވެ.
ނުވަމީޓަރުގެ ދިގު މިބުދު ބެހެއްޓުނީ މަންޑޭލާ ރަސްމީ އިއްޒަތުގައި ފަސްދާނުލެވުނުތާ 24 ގަޑިއިރު ފަހުންނެވެ.
މިބުދު ބެހެއްޓުމުގެ ރަސްމިއްޔާތު ޝަރަފުވެރިކުރައްވާފައިވަނީ ސައުތު އެފްރިކާގެ ރައީސް ޖޭކަބް ޒުމާއެވެ. އަދި މަންޑޭލާގެ ބުދު ބެހެއްޓިފައިވަނީ ސައުތު އެފްރިކާގެ ރައީސްއަކަށް 1994 ގައި މަންޑޭލާ ހުވާކުރެއްވި ޔޫނިއަން ބިލްޑިންގްގެ ކުރިމަތީގައެވެ.
"މިބުދުން މަންޑޭލާގެ ލެގަސީ، މަންޑޭލާގެ ހަނދާންތައް އާލާވެގެންދާނެ،" މިކަމާއިބެހޭގޮތުން އާންމުކޮށްފައިވާ ސަރުކާރުގެ ބަޔާނެއްގައި ހާމަކޮށްފައިވެއެވެ.
އުމުރުން 95 އަހަރުގައި މިމަހު 5 ވަނަ ދުވަހު މަންޑޭލާ އަވަހާރަވުމާއި ގުޅިގެން ސައުތު އެފްރިކާގެ ދިދަ ވަނީ މިއަދާ ހަމައަށް ބައިދަނޑިއަށް ތިރިކޮށްފައެވެ.
ކިޔުންތެރިންގެ ހިޔާލު