ބަންގްލަދޭޝްގެ އިދިކޮޅު ފަރާތްތަކުން އިންތިޚާބު ހައިޖެކްރުކުރަން ނިންމައިފި

ބަންގްލަދޭޝްގެ އިދިކޮޅު ފަރާތްތަކުން އަންނަ އަހަރު ޖެނުއަރީ މަހު ބޭއްވުމަށް ހަމަޖެހިފައިވާ އެޤައުމުގެ އާންމު އިންތިޚާބު ހައިޖެކް ކުރުމަށް (ބޮއިކޮޓް) ކުރުމަށް ނިންމައިފިއެވެ.

ސިޔާސީ 18 ޕާޓީއެއްގެ މައްޗަށް އުފައްދާފައިވާ އިދިކޮޅު ކޯއެލިޝަނުން މިނިންމުން ހާމަކޮށްފައިވަނީ އިންތިޚާބުގައި ބައިވެރިވާ ވާދަވެރިންގެ ނަން ހުށަހެޅުމުގެ ސުންގަޑި ހަމަވުމުގެ ވަގުތު ކައިރިވެފައިވަނިކޮށެވެ.

"މިހާރު މިއޮތް ހާލަތަށް ރިޔާއަތްކޮށް ބަލާއިރު 5 ޖެނުއަރީގައި ބޭއްވުމަށް ހަމަޖެހިފައިވާ އިންތިޚާބަށް ނަން ހުށަހެޅުމުގެ ބޭނުމެއް ނެތް. އަޅުގަނޑުމެން 5 ޖެނުއަރީގައި ބޭއްވުމަށް ހަމަޖެހިފައިވާ އިންތިޚާބުގައި ބައިވެރިއެއް ނުވާނަން،" ބަންގްލަދޭޝް ނެޝަނަލް ޕާޓީ (ބީއެންޕީ) ގެ ނާއިބުރައީސް ޝަމްސާ މުބީން ޗައުދަރީ ހާމަކުރިއެވެ.

މިވޭތުވެ ދިޔަ ފަސް ހަފްތާގެ ތެރޭގައި ބަންގްލަދޭޝްގެ މަގުތަކުގައި ވަރުގަދަ މުޒާހަރާތަކެއް ދަނީ ބޭއްވެމުންނެވެ. ހަމަނުޖެހުންބޮޑުވެ ކުރިމަތިލުންތަށް ހިނގައި މިހައިތަނެއް 51 މީހުން މަރުވެ އެތަކެއް ހާސް މީހުންވަނީ ޒަޚަމްވެފައެވެ. އަދި ޚަބަރުތަކުގައި ބުނާގޮތުގައި އިދިކޮޅު ލީޑަރުން މިހާރުވަނީ ފިލާފައެވެ.

ޗައުދަރީ ހާމަކުރިގޮތުގައި އިދިކޮޅު ފަރާތްތަކުން އިންތިޚާބުގައި ބައިވެރިވާނީ ޕާޓީތަކުގެ އެއްވެސް ނުފޫޒެއް ނެތް 'ނިއުޓްރަލް' ސަރުކާރަކުން އިންތިޚާބު ބާއްވާ ނަމައެވެ.ޚާލިދާ ޒިއާ ވެރިއަކަށް ހުންނަ ބީއެންޕީއިން ދަނީ ބަންގްލަދޭޝްގެ ބޮޑުވަޒީރު ޝެއިޚް ހަސީނާ ވަގުތުން އިސްތިއުފާދިނުމަށް ގޮވާލާފައެވެ.

އިދިކޮޅުފަރާތްތަކުން ހާމަކުރާގޮތުގައި ހަސީނާގެ ބާރުގެ ދަށުން ބާއްވާ އިންތިޚާބެއްނަމަ އިންތިޚާބު އޮޅުވާލާނެކަމެވެ.