ރަޝިއާގެ މަތިންދާބޯޓެއް ވެއްޓި ފަޅުވެރިން މަރުވެއްޖެ

ބޮއިންގް 737 މަރުކައިގެ މަތިންދާބޯޓެއް ރަޝިއާގެ ކަޒާން ސިޓީގެ އެއަރޕޯޓަށް ތިރިކުރަން އުޅުމުގެ ތެރޭގައި ވެއްޓި އެއިން ދަތުރުކުރި 50 ފަޅުވެރިން މަރުވެއްޖެއެވެ.

ޚަބަރުތައް ބުނާގޮތުގައި މޮސްކޯގެ ޑޮމޮޑެޑޯވޯ އެއަރޕޯޓުން ފުރައިގެން ދިޔަ މި މަތިންދާބޯޓު ވެއްޓުނީ ކަޒާން އެއަރޕޯޓަށް ތިރިނުކުރެވިގެން ދެވަނަ ފަހަރު ތިރިކުރަން އުޅުމުގެ ތެރޭގައި ޖެއްސުނު ގޮތުން ބޯޓު ގޮވައިގެންނެވެ.

މިހާދިސާގައި ބޯޓުގައި ދަތުރުކުރި 44 ފަސިންޖަރުންނާއި 6 ފަޅުވެރިންވަނީ މަރުވެފައެވެ.ރަޝިއާގެ ކަމާބެހޭ ވުޒާރާގެ ތަރުޖަމާނަކު ހާމަކުރިގޮތުގައި ފްލައިޓް ޔޫ363 އަކީ އެޤައުމުގެ ޓަޓާސްޓާން އެއަރލައިނުން އޮޕަރޭޓްކުރާ މަތިންދާބޯޓެކެވެ.

މަންޒަރުދުށް މީހުން ހާމަކުރާގޮތުގައި މަތިންދާބޯޓު ޖައްސަންއުޅުމުގެ ތެރޭގައި މިސްރާބު ގެއްލި ރަންވޭގައި ބާރަށްޖެހުމުން އޭގެ ފިއުލް ޓޭންކު ގޮވީއެވެ.

ޚަބަރުތަކުން ބުނާގޮތުގައި މިހާދިސާގައި މަރުވި މީހުންގެ ތެރޭގައި ޓާޓާސްޓާން އެއަރލައިންގެ ރައީސްގެ ފިރިހެން ދަރިފުޅާއި އަދި އެފްއެސްބީ އިންޓެލިޖެންސްގެ އިސްވެރިޔާ ހިމެނެއެވެ.