ޝިއަޢީ ޓެރަރިސްޓް ޖަމާޢަތަކުން ދިން ހަމަލާއެއްގައި ޔަމަނުގެ މަޝްހޫރު އިލްމުވެރިޔެއް އަވަހާރަވެއްޖެ

ޔަމަނުގެ ހައްދުފަހަނައަޅާފައިވާ ޝީއަޢީން ނުވަތަ ރާފިޟީންގެ ޓެރަރިސްޓް ޖަމާޢަތެއް ކަމުގައިވާ ޙޫސީން ޙިޞާރުކޮށްފައިވާ3000 ވަރަކަށް ޢާއިލާތަކުގެ މައްޗަށް ހިމެނޭ 10،000 ދަރިވަރުންގެ ކިޔަވަމުންދާ، "ދާރުލްޙަދީސް" ނަމަކަށްކިޔާ ދީނީ ތަޢުލީމް އުނގަންނައިދޭ ޔަމަނުގެ މަޝްހޫރު ސުންނީ މަރުކަޒް ހުންނަ ދައްމާޖް ވާދީއަށް އިއްޔެ ޝީޢީންގެ މިޖަމާޢަތުން ދިން ވަރުގަދަ ޓެރަރިސްޓް ހަމަލާއެއްގައި ދާރުލްޙަދީޘްގެ މުދައްރިސެއްކަމުގައިވާ މަޝްހޫރު ދީނީ ޢިލްމުވެރިޔެއް އަވަހާރަވެއްޖެއެވެ.

މަޢުލޫމާތު ލިބިފައިވާގޮތުގައި ޝައިޚް ކަމާލް ބިން ޘާބިތު އަލްޢަދަނީ އަވަހާރަވެފައިވަނީ ޙޫސީން ބަރުހަތިޔާރު ބޭނުންކޮށްގެން ދައްމާޖަށް ދިން ހަމަލާއެއްގައި ބީ10 މަރުކާގެ މިސައިލެއްގެ ހަމަލާއަކުންނެވެ.

ޔަމަނުގެ ސުންނީންނަށް ޙޫސީން މިފަދަ ޓެރަރިސްޓް ހަމަލާދީ އެތަކަށް އަޚުންނާއި އުޚްތުން މިހައިތަނަށް މަރާލާފައިވާއިރު އެމެރިކާއިން ބުނެފައިވާގޮތުގައި ޙޫސީ ޖަމާޢަތަކީ އެއީ ޓެރަރިސްޓް ޖަމާޢަތެކޭ ބުނެވޭނެ އެއްވެސް ގޮތެއް ނެތްކަމަށެވެ. އަދި އެމެރިކާއިން ބުނާގޮތުގައި ހޫސީ ޖަމާޢަތަކީ ޓެރަރިސްޓް ޖަމާޢަތެއްކަމަށް އެމެރިކާއިން އަދި އދ. އިންވެސް ޤަބޫލުނުކުރާ ކަމަށެވެ.

މީގެއިތުރުން، ޔަމަނުގައި ހަރަކާތްތެރިވަމުން ދިޔަ އީރާނުގެ ޖާސޫސީ ވިއުގައެއް މިދިޔަ އަހަރު ވަނީ ބޭޒާރު ވެފައެވެ. މިވީ 7 އަހަރު ޔަމަނުގެ އެކި ސިއްރުތައް މި ގުރޫޕުން އީރާނާއި ހިއްސާކޮށްފައިވާއިރު މި ގުރޫޕުން ޙޫސީ ޖަމާޢަތަށް ފައިސާއާއި ހަތިޔާރުގެ އެހީތެރިކަން ފޯރުކޮށްދީފައިވާކަމަށް ބެލެވެއެވެ.