ބީ.އެމް.އެލްގެ ފުރަތަމަ ޑޮލަރު އޭޓީއެމް މިއަހަރު ނިމުގެ ކުރިން ތަޢާރަފްކުރަނީ
11 ނޮވެމްބަރ 2014 17:16
ބޭންކް އޮފް މޯލްޑިވްސް (ބީއެމްއެލް) ގެ ފުރަތަމަ ޑޮލަރު އޭޓީއެމް މިއަހަރު ނިމުގެ ކުރިން ތަޢާރަފް ކުރައްވާނެ ކަމަށް އެބޭންކުގެ ސީއީއޯ އަދި މެނޭޖިންޑިރެކްޓަރ އެންޑްރޫ ހީލީ ވިދާޅުވެއްޖެއެވެ.
ބީއެމްއެލްގެ މައިއޮފީހުގައި ނޫސްވެރިންނަށް މައުލޫމާތު ދެއްވަމުން އެންޑްރޫ މިއަދު ވިދާޅުވީ މިގޭ ސަބަބުނޔޫއެސް ޑޮލަރު ނެގުމާއި ޖަމާކުރުމުގެ ޚިދުމަތަށް ލުއި ކަމެއް ލިބޭނެ ކަމަށެވެ.
އެންޑްރޫ ހީލީ ވިދާޅުވީ މި ޚިދުމަތް ފުރަތަމަ ފަށާނީ ހަމައެކަނި އެބޭންކުގެ މައިއޮފީހުގައި ކަމަށެވެ. ޑޮލަރު އޭޓީއެމްގެ ޚިދުމަތް ދިނުމަށް މިހާރުވެސް ބީއެމްއެލްއިން ގެންދަނީ މަސައްކަތް ކުރަމުންނެވެ.
އެންޑްރޫ ވިދާޅުވީ މީގެ ސަބަބުން "ޑޮލަރުގެ މުޢާމަލާތް ކުރުމަށް ކަސްޓަމަރުންނަށް ފަސޭހަ ވެގެންދާނެ. އުއްމީދުކުރަނީ މި ޚިދުމަތް މަޤްބޫލު ޚިދުމަތަކަށް ވެގެންދާނެ ކަމަށް. މިއަހަރު ނިމުމުގެ ކުރިން އަޅުގަނޑުމެން ބަހައްޓާ ފުރަތަމަ ޑޮލަރު އޭޓީއެމްގެ ޚިދުމަތް ލިބިގެންދާނެ،" ކަމަށެވެ.
ކިޔުންތެރިންގެ ހިޔާލު