އެސްޓީއޯގެ ފާމަސީއެއް ދުވާފަރުގައި ހުޅުވައިފި

ރާއްޖޭގެ މީހުން ދިރިއުޅޭ ކޮންމެ ރަށެއްގައި އާސަންދައިގެ ދަށުން ހިދުމަތް ފޯރުކޮށްދޭ ފާމަސީއެއް ގާއިމް ކުރުމަށް އެސްޓީއޯއާ ދިވެހި ސަރުކާރު ގުޅިގެން ކުރިއަށް ގެންދާ މަޝްރޫއުގެ ރ. ދުވާފަރުގައި ފާމަސީއެއް ހުޅުވައި ހިދުމަތް ދޭން ފަށައިފިއެވެ.

"އެސްޓީއޯ ފާމަސީ ރ.ދުވާފަރު" މިއަދި ހުޅުވުމުން އެސްޓީއޯ ފާމަސީތަކުގެ އަދަދު މިހާރު ވަނީ ސައުވީހަށް ބަދަލުވެފައެވެ.

މި ބޮޑު މަޝްރޫއު ކުރިއަށް ގެންދިއުމުގައި ލޯކަލް ކައުންސިލް ތަކާއި ރަށްރަށުގެ ރައްޔިތުންގެ ފަރާތުން ލިބެމުން އަންނަ އެއްބާރުލުން އެސްޓީއޯއިން ޝުކުރުވެރިކަމާއެކު ފާހަގަ ކުރެއެވެ.