ކޯލިޝަން ހެދުމަށްޓަކައި އެމްޑީއޭއިން ދެޕާޓީއަކާއެކު މަޝްވަރާ ކުރަނީ
5 އޯގަސްޓް 2013 16:36
ލްޑިވްސްޑިވެލޮޕްމަންޓް އެލަޔަންސް (އެމްޑީއޭ) އިން ޖުމްހޫރީ ޕާޓީއާއިއަދި ޕީޕީއެމް އާއެކު ކޯލިޝަން ހެދުމަށް މަޝްވަރާ ކުރަމުން އަންނަ ކަމަށް ހާމަކޮށްފިއެވެ.
އެޕާޓީގެ އިސްބޭފުޅަކު މިއަދު ވިދާޅުވީ ޖުމްހޫރީޕާ ޓީއާއެކު މަޝްވަރާ ކުރަމުންދާ ކަމެއް އެނގިފައި ނުވާކަމަށެވެ. ނަމަވެސް ޕީޕީއެމްއާއެކު ކޯލިޝަން ހެދުމަށް މަޝްވަރާ ކުރަމުންދާ ކަމަށެވެ.
އެޕާޓީގެ ކައުންސިލުން އިއްޔެވަނީ ޕީޕީއެމް އާއެކު ކޯލީޝަން ހެދުމަށް މަޝްވަރާ ކުރުމަށް ނިންމާފައެވެ. ނަމަވެސް އެޕާޓީގެ ތަރުޖަމާނު އަދި ޑެޕިޔުޓީ ލީޑަރު އަޙުމަދު ޢާމިރުއިއްޔެ ވިދާޅުވީ އެފަދަ ކަމެއް ހިނގާފައިވާ ކަމެއް އެނގިވަޑައިގެންފައި ނުވާކަމަށެވެ. މިއަދުވެސް އޭނާ ވިދާޅުވީ ޕާޓީއަކާއެކު އެމްޑީއޭ އިން މަޝްވަރާ ކުރަމުންދާ ކަމެއް އެނގިވަޑައިގެންފައި ނުވާކަމަށެވެ.
ޖުމްހޫރީ ޕާޓީގެރިޔާސީ ކެންޑިޑޭޓް ޤާސިމް އިބްރާހީމްގެ ތަރުޖަމާނު އިބްރާހީމް ޚަލީލް މިއަދު ވިދާޅުވީ ޖޭޕީގެ ލީޑަރު ވަނީ ކޯލިޝަން ހެދުމުގެ ދޮރު ހުރިހާ ޕާޓީތަކަށް ހުޅުވާފައި ކަމަށެވެ. އެހެން ކަމުން ޕާޓީތަކާއެކު މަޝްވަރާ ކުރަމުންދާ ކަމަށެވެ. އެޕާޓީތަކުގެ ތެރޭގައި އެމްޑީއޭ ވެސް ހިމެނޭ ކަމަށް އޭނާ ވިދާޅުވިއެވެ.
މިހާތަނަށް ކުރެވިފައިވާ މަޝްވަރާތަކަށް ބަލާއިރު އަދި އެވެސް ޕާޓީއަކާއެކު އެއްބަސްވުމަކަށް އާދެވިފައެއް ނުވެއެވެ. އެމްޑީއޭއިން ޖޭޕީއާއެކު މަޝްވަރާ ކުރަން ފެށީވެސް ޕީޕީއެމް އާއެކު ކުރި މަޝްވަރާތަކުން ދޫތަކެއް ނުލިބޭތީ ކަމަށް މަޢުލޫމާތު ލިބިފައިވެއެވެ. އެމްޑީއޭ އަކީ މަޝްހޫރު ވިޔަފާރިވެރިޔާ ސަންޓްރެވެލް ޝިޔާމް އިސްވެ ހުންނަވައިގެން ހިންގާ ޕާޓީއެކެވެ.
ކިޔުންތެރިންގެ ހިޔާލު