ޕާޓީއެއްގެ ގޮތުގައި ޖޭޕީއާ ގުޅެން ޓީމްޢުމަރުން ނިންމައިފި
29 ޖުލައި 2013 16:49
ޕީޕީއެމްގެ ރިޔާސީ ޕްރައިމަރީގައި ވާދަކުރެއްވި ޢުމަރު ނަސީރުގެ "ޓީމް ޢުމަރު" ޕާޓީއެއްގެ ގޮތުގައި ޖުމްހޫރީޕާޓީ (ޖޭޕީ) އާ ގުޅޭނެ ކަމަށް ޢުމަރު މިއަދު ވިދާޅުވެއްޖެއެވެ.
ކުރިންވެސް ޖުމްހޫރީ ކޯލިޝަނާ ގުޅޭނޭ ކަމަށްބެލެވިފައިވާ ޢުމަރު މިރޭ ޖޭޕީއަށް ސޮއިކުރާ ކަމުގެ މަޢުލޫމާތެއް ލިބިގެންއޭނާއަށް ގުޅުމުން "ދުވަސް" އަށް ފޮނުވި އެސްއެމްއެސް އެއްގައިބުނެފައިވަނީ "ޖޭޕީއަށް ސޮއިކުރާ ގޮތަކަށް ނޫން" ކަމަށެވެ. ނަމަވެސް"ޓީމް ޢުމަރު ޖޭޕީ ކޯލިޝަނާ ޕާޓީއެއްގެ ގޮތުގައި ގުޅޭނެ" ކަމަށްބުނެފައިވެއެވެ.
"ޓީމް ޢުމަރު" އަކީ ސިޔާސީ ޕާޓީގެދަފްތަރުގައި ރަޖިސްޓްރީ ކޮށްފައިވާ ސިޔާސީ ޕާޓީއެއް ނޫނެވެ. އެހެން ކަމުންއެޕާޓީން ޖޭޕީ ކޯލިޝަނާ ގުޅޭނީ ވަކި ޖަމާޢަތެއްގެ ގޮތުގައެވެ.
މަޢުލޫމާތު ލިބިފައިވާ ގޮތުގައި ޓީމް ޢުމަރުންޖޭޕީއާ ގުޅޭނީ ކ. މާފުށީގައި މިރޭ ބާއްވާ ޖޭޕީގެ ޖަލްސާގައެވެ. ނަމަވެސް ޢުމަރުމިކަމަށް އެއްވެސް ޖަވާބެއް ނުދެއްވައެވެ.
ޖުމްހޫރީ ކޯލިޝަންގެ ރިޔާސީ ކެންޑިޑޭޓް ޤާސިމްއިބްރާހީމް ވިދާޅުވެފައިވަނީ ޢުމަރު ނަސީރާއި، ކުރީގެ ވަޒީރު އިލްޔާސް އިބްރާހީމްއޭނާއަށް ތާއިދު ކުރައްވާނެ ކަމަށެވެ. މީގެ އިތުރަށް އިތުރު ދެޕާޓީއަކުން ޖޭޕީކޯލިޝަނާ ގުޅުމަށް މަޝްވަރާ ކުރަމުންދާ ކަމަށްވެސް ޤާސިމް ވިދާޅުވެފައިވެއެވެ.ނަމަވެސް އެއީ ކޮންދެޕާޓީއެއް ކަމަށް އޭނާ ވިދާޅެއް ނުވެއެވެ.
ކިޔުންތެރިންގެ ހިޔާލު