އައިސިސްގެ ލީޑަރު އަބޫބަކުރު އަލްބަޣްދާދީއަކީ އިޒްރޭލުގެ މޮސާދުން ތަމްރީނުކޮށްފައިވާ މީހެއް"؟؟"

"އައިސިސްގެ ލީޑަރު އަބޫބަކުރު އަލްބަޣްދާދީއަކީ އިޒްރޭލުގެ މޮސާދުން ތަމްރީނުކޮށްފައިވާ މީހެއް" މިއީ މިހާރަކަށް އައިސް އިންޓަނެޓުގައި އެނބުރެމުންދާ ޚަބަރެކެވެ.

އިސްލާމްދީން އަޅުގަނޑުމެންނަށް ދަސްކޮށްދީފައިވަނީ ލިބޭ ކޮންމެ ޚަބަރެއް އޭގެ ތެދުދޮގު ބަލައިލުމެއް ނެތި ޖެހުމުގެ ބަދަލުގައި ޙަޤީޤަތް ހޯދާފަ ޖެހުމެވެ. އެހެންކަމުން މިޚަބަރުގެވެސް ތެދުދޮގު ބަލައިލުމަށްޓަކައި ކުޑަކުޑަ ދިރާސާއެއް ކޮށްލީމެވެ.

މިގޮތުން އިނގިރޭސިބަހުން ލިޔެފައިވާ މިޚަބަރުގެ ސުރުޚީ ގޫގަލްގައި ޖަހާލީމެވެ. ތަފާތު، ގިނަ ވެބްސައިޓްތަކެއްގައި މިޚަބަރު ވަނީ ޖަހާފައެވެ. އެހެންނަމަވެސް ހުރިހާ ވެބްސައިޓެއްގައިވެސް ލިޔުންގަނޑު ހުރީ އެއްގޮތަކަށެވެ. "ކޮޕީޕޭސްޓް" ހަދާފައެވެ. މިޚަބަރު އެންމެ ފުރަތަމަ ޝާއިޢުކޮށްފައިވަނީ 2014 ޖުލައި 08 ވަނަ ދުވަހު ޝީޢީ އީރާނު ސަރުކާރުގެ ބޮޑު ޙިއްސާއެއް އޮންނަ ފަރްސް ނިއުސް އޭޖެންސީން ހިންގާ ޢަރަބި ވެބްސައިޓް http://arabic.farsnews.com/newstext.aspx?nn=9303226106 ގައެވެ.

އަދި މިޚަބަރުގެ އިނގިރޭސި ތަރުޖަމާއެއްވަނީ އީރާނުގައި އިނގިރޭސިބަހުން ނެރޭ ދުވަހުނޫހެއް ކަމަށްވާ ތެހެރާން ޓައިމްސްގައި ޖަހާފައެވެ. ޝީޢީންގެ މިޚަބަރުގައި ޙަވާލާދީފައިވަނީ އެމެރިކާގެ ޤައުމީ ސަލާމަތާބެހޭ އިދާރާ، އެން.އެސް.އޭގެ ގިނަ ލިޔެކިޔުންތަކެއް ލީކް ކޮށްލުމަށްފަހު ރަޝިޔާ ސަރުކާރުގެ ޙިމާޔަތް ހޯދައިގެން ހުރި އެޑްވަޑް ސްނޯޑަންއާއި، އޭނާ ލީކްކުރި ލިޔެކިޔުންތައް ދުނިޔެއަށް ފަތުރަމުން އަންނަ "ދި އިންޓަސެޕްޓް"https://firstlook.org/theintercept/news/ އާއެވެ. އެހެންނަމަވެސް ފަރްސް ނިއުސްއިން އެޚަބަރު ނެގި ލިންކެއް ނުވަތަ މަޞްދަރެއް ދީފައެއް ނުވެއެވެ. އަދި "ދި އިންޓަސެޕްޓް" ގަ ޝާއިޢުކޮށްފައިވާ އެއްވެސް ލިޔުމަކުން މިޚަބަރާ ގުޅޭ އެއްވެސް މަޢުލޫމާތެއް ފެންނާކަށް ނެތެވެ.އިރާނުގެ މިޚަބަރުގައި ލިޔެފައިވާ ގޮތުން އިސްލާމިކް ސްޓޭޓް އޮފް އިރާޤް އެންޑް ސީރިޔާ ނުވަތަ އައިސިސް ނުވަތަ މިހާރުގެ ނަމުންނަމަ "ދި އިސްލާމިކް ސްޓޭޓް" (އައި.އެސް) އުފައްދާފައިވަނީ އެމެރިކާއާއި، އިނގިރޭސިވިލާތުގެ ޖާސޫސީ އިދާރާތަކާއި، އިޒްރޭލުގެ މޮސާދާ ގުޅިގެންނެވެ. މިކަމުގައި އެމީހުންގެ މަޤްޞަދަކީ ޔަހޫދީ ދައުލަތް ދިފާޢު ކުރުންކަމުގައި ބަޔާންކޮށްފައިވެއެވެ. އެހެނީ އެއުރެން ޤަބޫލުކުރާ ހުރިހާ "ޓެރަރިސްޓުން" އެއްސަރަޙައްދަކަށް ޖަމާކޮށް ޔަހޫދީ ދައުލަތާއި ކައިރިއަށް އެދައުލަތުގެ ހުރިހާ ޢަދުއްވުން ގެނައުމުން ޔަހޫދީ ދައުލަތަށް ހުއްޓިފައިވާ ލޯތައް އައިސިސްއާ ދިމާއަށް އެނބުރޭނެތީކަމަށެވެ.

ޝީޢީންގެ މިޚަބަރުގައި ބަޔާންކޮށްފައިވާ ގޮތުން އައިސިސްގެ ލީޑަރު އަދި މިހާރު ޤާއިމުކޮށްފައިވާ އިސްލާމީ ދައުލަތުގެ ޚަލީފާ އަލްބަޣްދާދީ (ޙަފިޒަހުﷲ) އަށް މިކަމަށްޓަކައި ބޭނުންވާ އެންމެހައި އަސްކަރީ ތަމްރީނެއް ވަނީ ދެވިފައެވެ. އިނގިރޭސި ބަހުން ހުރި މިޚަބަރުގެ ހުރިހާ ތަރުޖަމާއެއްގައިވެސް ކުރުދީންނާ ޙަވާލާދީކަމަށް ބުނެ އައިސިސްގެ ހަނގުރާމަވެރިން ތިބި މޫސަލްއާއި ކިރްކުކްގެ ސަރަހައްދުތަކުން އިޒްރޭލުގައި އުފައްދާފައިވާ ތައްޔާރީ ކާނާއާއި، އެހެނިހެން ތަކެތި ފެނިފައިވާކަމަށް ލިޔެފައިވެއެވެ. އަދި އިޒްރޭލްގެ ހަސްފަތާލުތަކުގައި ޒަޚަމްވާ އައިސިސްގެ ހަނގުރާމަވެރިންނަށް ފަރުވާދެމުން އަންނަކަމަށާއި، މިތަނުން ހަސްފަތާލަކަށް އިޒްރޭލުގެ ބޮޑުވަޒީރު ބިންޔާމީން ނެތަންޔާހޫ (މިދައްޖާލަށް މާތްﷲ ލަޢުނަތް ލައްވައިފާންދޭވެ!) ޒިޔާރަތްކުރިކަމަށް ލިޔެފައިވެއެވެ.

އެއްޚަބަރެއް ތަފާތު އެކިވެބްސައިޓްތަކުގައާއި އިންޓަނެޓް ފޯރަމްތަކުގައި ޖެހި ދެކެވެމުން ދިޔުމުން ތަކުރާރުކޮށް ހަދާ ދޮގު ތެދަށްވާ އުސޫލުން މިޚަބަރުވެސް މިވަނީ ބައެއްމީހުންނަށް ޤަބޫލުކުރެވޭ ވަރުގެ "ތެދަކަށް" ވެފައެވެ. އެހެންނަމަވެސް ޙަޤީޤަތަކީ މިއީ އެއްވެސް މަސްދަރެއްގެ މައްޗަށް ބިނާނުކޮށް ސުންނީންނާއި ފެށުނީއްސުރެ ޢަދާވާތްތެރިކަން އޮންނަ ޝީޢީންގެ މައި ދައުލަތްކަމަށްވާ އީރާނުގެ ރަސްމީ މީޑިއާގެ ޒަރީޢާއިން ނިކުތް ޚަބަރެއްކަމެވެ. އަދި މިޚަބަރުގެ ދޮގުކަން ކަށަވަރުވާ އެންމެ ބޮޑު ސަބަބަކީ ޚަލީފާ އަލްބަޣްދާދީގެ އިސްލާމީ ދައުލަތް ފުޅާވެގެން ގޮސް އީރާނަށް އެކަމުގެ ނުރައްކާ ބޮޑުވާނެ މިންވަރު ތަޞައްވުރު ކުރެވޭތީއެވެ.

މާތްﷲ ކީރިތި ޤުރުއާނުގައި ވަޙީކުރައްވާފައިވަނީ: "يَأُيُّهَا الَّذِيْنَ ءَامَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيْبُوا قَومًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ " މާނައަކީ: އޭ އީމާންވެއްޖެ މީސްތަކުންނޭވެ! ތިޔަބައިމީހުންގެ ގާތަށް ފާސިޤަކު ޚަބަރަކާއިގެން އަތުވެއްޖެނަމަ، އޭގެ ދޮގުތެދުބަލައި، ޙަޤީޤަތް ހޯދާށެވެ! (އެއީ) ނޭނގިތިބެ، ތިޔަބައި މީހުންނަށް ބަޔަކަށް ގެއްލުންދެވިދާނެތީއެވެ. ފަހެ، އެހެންވެއްޖެނަމަ، ތިޔަބައިމީހުން ކުރިކަންތަކުގެ މައްޗަށް ހިތާމަކުރާ ބަޔަކުކަމުގައި ތިޔަބައިމީހުން ވެދާނެތެވެ.