ޗައިނާގެ އަންހެނެއް ވެއްޓި ބޮލަށް 11 ސެންޓިމީޓަރުގެ ވަޅިއެއް ހުރިގޮތަށް ހެރިއްޖެ
20 ޖުލައި 2014 15:36
ޗައިނާގެ ޖިލިން ޕްރޮވިންސްގެ ޗަންގޗަންގެ 57 އަހަރުގެ އަންހެނެއް ކަމުގައިވާ ލިއު ޔޭންގ ގޭގައި މަސައްކަތެއް ކުރަނިކޮށް ވެއްޓި 11 ސެންޓިމީޓަރުގެ ދިގު ވަޅިއެއް ބޮލަށް ހުރިގޮތަށް ވަދެއްޖެއެވެ.
"އަހަރެންނަށް ކުއްލިއަކަށް އެއްޗެއް ވެއްޓުނު އަޑު އިވުނީ. ގެއަށް ވަދެ ބަލާލިއިރު މަންމަ ހުރީ ސިޑި ދަށުގައި އިށީނދެގެން. އޭރު ބޮލަށް ވަޅި އެއްހުރިގޮތަށް ވަދެފައި ހުރީ،" ޔޭންގްގެ އަންހެން ދަރިފުޅު ވޭންގް ޒޫ ހާމަކުރިއެވެ. "ވަޅީގެ ހިފާބައި އެކަނި ފެންނަންހުރީ. އަވަހަށް ހޮސްޕިޓަލަށް ގެންދިޔައީ،" އޭނާ އިތުރަށް ކިޔައިދިނެވެ.
ޑަކްޓަރުން ބުނާގޮތުގައި ޔޭންގް ހޮސްޕިޓަލަށް ގެންދިޔައިރުވެސް ބަރާބަރަށް ހޭހުއްޓެވެ. "އެންމެ ހައިރާން ކުރުނިވި ކަމަކީ ޕޭޝަންޓް އެހާލުގައި ގެނާއިރުވެސް ބަރާބަރަށް ހޭހުރި. ވާހަކަ ދައްކާ. ހިނގޭ،" ޔޭންގްގެ ބޮލުން ވަޅި ނަގައިދިން ސަރޖަން ސަން ޔަންގް ކިޔައިދިނެވެ. ނަމަވެސް ޔޭންގްގެ ފަރުވާއަށް ލާރި ހޯދުމަށް ވޭންގްއާއި އޭނާގެ ފިރިމީހާ ސަން ޒޮންގުއާއަށް ވަނީ އެމީހުން ދިރިއުޅެމުން އަންނަ އެމީހުންގެ ގެ ވިއްކާލުމަށް މަޖުބޫރުވެފައެވެ.
ކިޔުންތެރިންގެ ހިޔާލު