ބާރަ އަހަރުގެ ކުއްޖަކު ސްކޫލް ބަހެއް ވަގަށް ގެންގޮސްފި
18 ޖުލައި 2014 16:52
އެމެރިކާގެ ފްލޮރިޑާގައި 12 އަހަރުގެ ކުއްޖަކު ސްކޫލް ބަހެއް ވަގަށް ގެންގޮސްފިއެވެ.
ފްލޮރިޑާގެ ފްރެންކްލިން ކައުންޓީގެ ފުލުހުން ވަނީ މިކުއްޖާ މިދިޔަ ބުދަ ދުވަހު އެކުއްޖާ ވަގަށް ނަގާފައިވާ ސްކޫލްބަސް ދުއްވަމުންދަނިކޮށް ހުއްޓުވައި އެކުއްޖާ ހައްޔަރުކޮށްފައެވެ.
ފުލުހުން ބުނާގޮތުގައި 12 އަހަރުގެ މިކުއްޖާވަނީ 55 މޭލު ދުރަށް މިބަސްދުއްވާފައެވެ. މައްސަލަ ތަޙްޤީޤްކުރާ އޮފިސަރުން ހާމަކުރާގޮތުގައި މިކުއްޖާވަނީ މިދިޔަ އަންގާރަދުވަހުގެ ރޭ އޭނާގެ ބައްޕަގެ ކާރުވެސް ވަގަށް ނަގާފައެވެ.
ޕާކަރ ޕޮލިސް ޑިޕާޓްމެންޓުން ބުނާގޮތުގައި 12 އަހަރުގެ މިކުއްޖާގެ މައްޗަށް ސްކޫލަށް ވަގަށް ވަނުމާއި އަދި ސްކޫލްބަސް ވަގަށް ނެގުމުގެ ދައުވާ ކުރާނެއެވެ.
ބޭ ޑިސްޓްރިކްސް ސްކޫލުންވަނީ މިމައްސަލާގައި މިކުއްޖާ ސްކޫލުން ވަކިކޮށްފައެވެ.
ޖޫން 24 ވަނަ ދުވަހުވެސް މިކުއްޖާވަނީ ސްކޫލްގެ އެހެންބަހެއްވެސް ވަގަށް ދުއްވާފައެވެ.
ކިޔުންތެރިންގެ ހިޔާލު