އެމެރިކާގެ ސަލާމަތީ ބާރުތަކުން ފިނިހަކަތަކެއް ހިފަހައްޓައިފި
16 ޖުލައި 2014 16:33
އެމެރިކާގެ ލޮސް އެންޖަލިސް އިންޓަނޭޝަނަލް އެއާޕޯޓަށް އެތެރެކުރަން އުޅުނު ފިނިހަކަތަކެއް ސަލާމަތީ ބާރުގެ އިންސްޕެކްޓަރުން ހިފަހައްޓައިފިއެވެ.
ދެކުނު އެފްރިކާގައި މީރު ކާއެއްޗެއްގެ ގޮތުގައި ބޭނުންކުރެވޭ ފިނިހަކައިގެ ބާވަތެއް ކަމުގައިވާ ޖަޔަންޓް އެފްރިކަން ސްނެއިލްގެ 67 (ފިނިހަކަ) އިންސްޕެކްޓަރުންވަނީ ހިފަހައްޓާފައެވެ.
ޚަބަރުފަތުރާ ވަސީލާތްތަކުން ހާމަކުރާގޮތުގައި ފިނިހަކައަކީ އެމެރިކާއަށް އެތެރެކުރުން މަނާ އެއްޗެކެވެ. އަދި ލޮސް އެންޖެލިސް އިންޓަނޭޝަނަލް އެއާޕޯޓުން ހިފަހައްޓާފައިވާ މިފިނިހަކަތަކަކީ ނައިޖީރިއާއިން އެމެރިކާގެ ސެން ޑިމާސްގައި ދިރިއުޅޭ މީހަކަށް ފޮނުވާފައިވާ ފިނިހަކަތެކެއްކަމަށް އެމެރިކާގެ ކަސްޓަމްސްއާއި ބޯޑަރ ޕްރޮޓެކްޝަންގެ ތަރުޖަމާނު، ލީ ހާޓީ ނޫސްތަކަށް މައުލޫމާތުދިނެވެ.
ހާޓީ ހާމަކުރިގޮތުގައި މި ފިނިހަކަތަކުގެ ސާމްޕަލެއްވަނީ ވޮޝިންގްޓަންގައި ހުންނަ ފެޑެރަލް މޮލަސްކް ސްޕެޝިލިސްޓަކަށް ފޮނުވާފައެވެ. އަދި އޭނާގެ ތަޙްލީލުން މިއީ އެމެރިކާއަށް އެތެރެކުރުން މަނާބާވަތެއްކަން ހާމަވެފައިވާ ކަމަށް އޭނާ މައުލޫމާތުދިނެވެ.
ޖަޔަންޓް އެފްރިކަން ސްނެއިލްއަކީ ދުނިޔޭގައިވާ އެންމެ ބޮޑު ފިނިހަކައިގެ ބާވަތެވެ. މިވައްތަރު ފިނިހަކަ 8 އިންޗިއަށް ބޮޑުވާކަމަށާއި އަދި 10 އަހަރުވަންދެން ދިރިއުޅެވޭ ކަމަށް ވެއެވެ.
ކިޔުންތެރިންގެ ހިޔާލު