ހަނދަށް ބަޑިޖަހަން އުޅުމުގެ "ކުށުގައި" އެމެރިކާގެ ރައްޔިތަކު ހައްޔަރުކޮށްފި

އެމެރިކާގެ އެރިޒޯނާގެ ރައްޔިތަކު ހަނދަށް ބަޑިޖަހަން އުޅުމުގެ "ކުށުގައި" ހައްޔަރުކޮށްފިއެވެ.

އުމުރުން 39 އަހަރުގެ ކެމަރަން ރީޑް ހަނދަށް ބަޑިޖެހޭތޯ ބަޑިއެއްނަގާ ހަނދާ ދިމާއަށް މައްޗަށް ބަޑި ޖަހަނިކޮށް އެހިސާބުގެ ބަޔަކުވަނީ ފުލުހުންނަށް އެކަން ރިޕޯޓް ކޮށްފައެވެ.

ރީޑާ ހަވާލާދީ ފުލުހުން ބުނެފައިވަނީ އޭނާ މަސައްކަތް ކުރީ ހަނދަށް ބަޑިޖެހޭތޯ ކަމަށެވެ. ފުލުހުން ބުނާގޮތުގައި ރީޑްއަކީ މީގެ ކުރީގައިވެސް ހުއްދަނެތި ހަތިޔާރު ބޭނުން ކުރުމާއި، ބަދުއަޚްލާޤީ މައްސަލަތަކުގައި އެތަކެއް ފަހަރު ހައްޔަރު ކުރެވިފައިވާ މީހެކެވެ.

ގާތްގަނޑަކަށް 1.2 ބިލިއަން ފޫޓު މަތީގައިވާ ހަނދަށް ރީޑް ބަޑިޖަހަން މަސައްކަތް ކޮށްފައިވާއިރު ބަޑީގެ އުންޑަ ދަތުރުކުރަނީ ގާތްގަނޑަކަށް އެންމެ 4000 ފޫޓު މައްޗަށެވެ.