ތެޔޮނާޅާ ސަތޭކަ އަހަރު ދުއްވޭ ކާރެއް އީޖާދު ކޮށްފި
21 ޖޫން 2014 15:14
ތެޔޮ ނާޅާ 100 އަހަރު ދުއްވޭ ކާރު
ތެޔޮނާޅާ ސަތޭކަ އަހަރު ވަންދެން ދުއްވޭ ކާރެއް އީޖާދުކޮށްފިއެވެ.
"ލޭޒާ ޕަވަރ ސިސްޓަމް" ކިޔާ ކުންފުންޏަކުން އިޖާދުކުރި މި މޮޑެލުގެ ކާރު ތެލުގެ ބަދަލުގައި ބޭނުން ކުރަނީ "ތޯރިއަމް" ކިޔާ ރޭޑިއޯ އެކްޓިވް ކެމިކަލެކެވެ. ތޯރިއަމްގެ އެންމެ ގުރާމަކުންވެސް 27000 ފީފާގެ ތެލާއި އެއް މިންވަރަކަށް ހަކަތަ އުފައްދައެވެ.
"ލޭޒާ ޕަވަރ ސިސްޓަމްގެ" ގެ ސީއީއޯ ޑރ. ޗާލްސް ސްޓީވެން "މާޝަބަލް" ނޫހަށް ދެއްވި އިންޓަވިއުއެއްގައި ވިދާޅުވެފައިވަނީ ތެޔޮ ނާޅައި ދުއްވޭނެ ކާރެއް އޭނާގެ ކޮމްޕެނީން އީޖާދު ކުރިނަމަވެސް އެ ކާރާއިމެދު ކާރު އުފައްދާ ކުންފުނިތަކުގެ ސަމާލުކަން ކުޑަކަމަށެވެ.
"ކާރު އުފައްދާ ކޮމްޕެނީތަކުގެ ސަމާލުކަން ބޮޑަށް އޮތީ ތެޔޮ އަންދައިގެން ހަކަތަ އުފެއްދުމަށް. އަދި ވިއްސަކަށް އަހަރުނަގާނެހެން އަޅުގަނޑަށް ހީވަނީ މިފަދަ ކާރުތައް މާކެޓަށް ނުކުތުމަށް،" ސްޓީވެން ވިދާޅުވެފައިވެ އެވެ.
ސްޓީވެން ދެކެވަޑައިގަންނަވާ ގޮތުގައި، އޭނާގެ ކޮމްޕެނީގެ އީޖާދުގެ ސަބަބުން ކާރުތަކުގެ ބަދަލުގައި ރެސްޓޯރެންޓާއި އޮފީސްފަދަ ތަންތަނުގެ ކަރަންޓު ވެސް ތޯރިއަމް ބޭނުން ކޮށްގެން ދެވިދާނެއެވެ. އެއީ ޚަރަދުކުޑަ އަދި ތިމާވެއްޓާ ރަހުމަތްތެރި ގޮތެކެވެ.
ކިޔުންތެރިންގެ ހިޔާލު