ބާގާއެއްގެ ބަދަލުގައި އެހެން އެއްޗެއް ގެނައުމުން މެކްޑޯނަލްޑްގެ ކުޑަދޮރަށް ބަޑިޖަހައިފި
11 ފެބްރުއަރީ 2014 22:19
ޝަނެކާ މޮނެސް ޓޮރޭސް
އެމެރިކާ އަންހެނަކު، ބަޑިން ހަމަލާދީ މެކްޑޮނަލްޑްގެ ކުޑަދޮރެއް ތަޅާލައިފިއެވެ.
މިޗިގަންގެ ގްރޭންޑް ރެޕިޑްސްގައި ހުންނަ މެކްޑޮނަލްޑްގެ ރެސްޓޯރެންޓުގެ ކުޑަދޮރަށް ބަޑިން ހަމަލާދީފައިވަނީ އުމުރުން 29 އަހަރުގެ ޝަނެކާ މޮނެސް ޓޮރޭސް އެވެ.
އޭނާ މިއަމަލު ހިންގީ ދެދުވަސް މަތީން ބާގާއަކަށް އޯޑަރު ކުރުމުން އެނޫން އެއްޗެއް އެތަނުގެ ވެއިޓަރުން ގެނެސް ދިނުމުން އެކަމާ ރުޅިއައިސްގެންނެވެ.
ފުރަތަމަ ދުވަހު އޯޑަރު ދިނުމަށްފަހު އެތައް އިރެއް ވަންދެން މަޑުކުރުވުމަށްފަހު ގެނައީ އޯޑަރު ދިން އެތި ނޫން އެހެން އެއްޗެކެވެ. އެދުވަހު ޓޮރޭސްއަށް އެތަނުންވަނީ އޭގެ ބަދަލެއްގެ ގޮތުން ހިލޭކެއުމެއް ދީފައެވެ.
ދެވަނަ ދުވަހު ބާގާއަކަށް އޯޑަރު ދިނުމުން އެހެން އެއްޗެއް ގެނައުމުން އޭނާ ރުޅިއައިސްގެން ބަޑިން ހަމަލާދީ އެތަނުގެ ކުޑަދޮރެއްގެ ބިއްލޫރިގަނޑު ތަޅާލިއެވެ.
ޓޮރެސްގެ މިހަމަލާގައި މީހަކަށް ގެއްލުންވެފައި ނުވިނަމަވެސް އެތަނުގައިހުރި ކޮފީ ޖަގެއްވަނީ ތެޅިފައެވެ.މިމައްސަލައާ ގުޅިގެން އެސަރަޙައްދުގެ ފުލުހުންވަނީ ޓޮރެސް ހައްޔަރުކޮށްފައެވެ.
ކިޔުންތެރިންގެ ހިޔާލު