ކުއްތާ މާބޮޑަށް ކަންނެތްވުމުން ފުލުހުންގެ ވަޒީފާއިން ވަކިކޮށްފި

އެމެރިކާގެ ގަލްފްޕޯޓްގެ މިސިސިޕީ ޕޮލިސް ޑިޕާޓްމެންޓުގެ "ފްރެޑް" ނަމަކަށް ކިޔާ ކުއްތާ މާބޮޑަށް ކަންނެތްވާތީ ވަޒީފާއިން ވަކިކޮށްފިއެވެ.

މިސިސިޕީ ޕޮލިސް ޑިޕާޓްމެންޓުން ފްރެޑް ވަޒީފާއިން ވަކިކޮށް އޭތީގެ ކުރީގެ ސާހިބުމީހާއާ ވަނީ ހަވާލުކޮށްފައެވެ.

ފްރެޑް ތަމްރީން ކުރުވާފައިވާ މަސައްކަތްކުރުމުގެ ބަދަލުގައި ފްރެޑް މިހާރަކަށް އައިސް އަބަދު އޮންނަނީ ދަޅެއްގައި ތަޅަތަޅާފައި 'ފުޓްބޯޅަ' ކުޅެންކަމަށް މިސިސިޕީ ޕޮލިސް ޑިޕާޓްމެންޓުން ހާމަކުރިއެވެ.

މީގެ ތިން އަހަރު ކުރިން އެމެރިކާގެ ބްރެއިޑްވުޑް ޕޮލިސް ޑިޕާޓްމެންޓުގެ "އެޓަމް" ނަމަކަށްކިޔާ ކުއްތާ ކުށުގެ ތުހުމަތުގައި ހައްޔަރުކޮށްފައި ހުރި މީހެއްގައި ދަތް އެޅުމުންވަނީ ވަޒީފާއިން ވަކިކޮށްފައެވެ.

ޗިކާގޯޓައިމްސްއިން ހާމަކުރާގޮތުގައި އެޓަމްވަނީ ފުލުސް އޮފިސަރަކަށްވެސް ހަމަލާދީފައެވެ.