"ޑިޕްރެސް"ވެފައި ތިބި ޕެންގުއިންތަކަކަށް އެންޓި ޑިޕްރެސަންޓްދެނީ
8 ފެބްރުއަރީ 2014 23:55
"ޑިޕްރެސް"ވެފައި ތިބި ޕެންގުއިންތަކަކަށް އިނގިރޭސިވިލާތުގެ ސްކަރބޮރޯ ސީލައިފް ސެންކްޗުއަރީގެ ސައިންޓިސްޓުންތަކެއް އެންޓިޑިޕްރެސަންޓް ބޭސް ދޭންފަށައިފިއެވެ.
ސްކަރބޮރޯ ސީލައިފް ސެންކްޗުއަރީގެ ސައިންޓިސްޓެއްކަމުގައިވާ ލިންޑްސޭ ކްރޮފޯޑް ހާމަކުރިގޮތުގައި މިޕެންގުއިންތަކަށް މިނަފްސާނީ ބަލިޖެހިފައިވަނީ އަބަދު ގަދަ ފިނީގައިއާއި ގަދަވައިގައި އުޅެންޖެހޭތީއެވެ.
އެންޓި ޑިޕްރެސަންޓް ބޭހުގެ އިތުރަށް އެޕެންގުއިންތަކަށް ފަތްޕިލާވެލީގެ ޙަކީމީބޭސްވެސް ދެމުން އަންނަ ކަމަށް ސީލައިފް ސެންކްޗުއަރީން ބުނެއެވެ. އެސެންކްޗުއަރީއިން ހާމަކުރާގޮތުގައި ބައެއް ޕެންގުއިންތަކުގެ ޑިޕްރެޝަން ބޮޑުކަމުން އެތަކެއްޗަށް ރޭގަނޑު ނުވެސް ނިދެއެވެ.
ސައިންޓިސްޓުން ހާމަކުރާގޮތުގައި ޕެންގުއިންއަކީ އިންސާނުން ފަދައިން ވަރަށް ޖާޒުބީ އެއްޗެއް ކަމަށާއި އަދި އެހެންކަމުން އިންސާނުން ފަދައިން ޕެންގުއިންނަށްވެސް ތަފާތު ނަފްސާނީ ބަލިތައް ޖެހެއެވެ.
ކިޔުންތެރިންގެ ހިޔާލު