އެންމެ މުސްކުޅި ފްލެމިންގޯ މަރުވެއްޖެ

ދުނިޔޭގައިހުރި އެންމެ މުސްކުޅި ފްލެމިންގޯ ބާވަތުގެ ދޫނި މަރުވެއްޖެއެވެ.

ދެވަނަ ބޮޑުހަނގުރާމައިގެ ދުވަސްވަރުން ފަށައިގެން އޮސްޓްރޭލިއާގެ އެޑެލައިޑް ޒުލުގައި ގެންގުޅެމުންއައި މިފްލެމިންގޯ (ގްރޭޓަރ) މަރުވެފައިވަނީ އޭތީގެ އުމުރުން 83 އަހަރުގައެވެ.

"ގްރޭޓަރ" މަރުވެފައިވަނީ އޭތިގެ މުސްކުޅިކަމުން، ބަލިހާލު މާބޮޑުވެ ގައިގައި މާބޮޑަށް ވާގިނެތުމުގެ ސަބަބުން އެއަށް އަޅަމުންދިޔަ ވޭނުން ނަޖާވޭތޯ ބޭސް ދިނުމުންނެވެ.

ގްރޭޓަރ އެޒުލަށް ގެނެސްފައިވަނީ 1933 ވަނަ އަހަރުގައެވެ. އޭތި ގެނެސްފައިވަނީ މިޞްރުގެ ޤާހިރާއިންކަމެއް ނުވަތަ ހެމްބަރގްގެ ޒުލަކުން ކަމެއް ސާފެއް ނުވެއެވެ.

މިބާވަތުގެ ފްލެމިންގޯ އާންމުކޮށް ދުނިޔޭގައި ތިބެނީ އެންމެ ގިނަވެގެން 60 އަހަރާއި 40 އަހަރަށެވެ.