ފޭސްބުކް ބޭނުންކުރާ 80 އިންސައްތަ މީހުން އެސައިޓް ބޭނުންކުރުން ހުއްޓާލާނެ- ދިރާސާ
30 ޖެނުއަރީ 2014 20:38
ފޭސްބުކްބޭނުންކުރާ 80 އިން ސައްތަ މީހުން 2017 ވަނަ އަހަރު އެސައިޓް ބޭނުން ކުރުންހުއްޓާލާނެ ކަމަށް ޕްރިންސްޓަން ޔުނިވަސިޓީން ހާމަކޮށްފިއެވެ.
ޕްރިންސްޓަން ޔުނިވާސިޓީގެ ފަރާތުން ދިރާސާ ހެދި ޖޯން ކައްނެރަލާއާއި ޖޯޝުއާ ސްޕެކްލަރ ބުނާގޮތުގައި ފޭސްބުކްވަނީ ގައިންގައިންއަރާ ބައްޔެއްފަދައިން އާމުންގެ ތެރެއަށް ފެތުރިފައެވެ. އަދި ގައިންގައިން އަރާބައްޔަށް އިންސާނުން 'އިމިއުން' ވާފަދައިން ފޭސްބުކަށްވެސް މީހުން އިމިއުން ވާނެއެވެ.
އަންނަ ފެބްރުއަރީ މަހުގެ 4ވަނަ ދުވަހު ފޭސްބުކުގެ 10 ވަނަ އަހަރީދުވަސް ފާހަގަކުރާނެއެވެ. ފާއިތުވިމުއްދަތުގައި ފޭސްބުކްވަނީ އޭގެ ވާދަވެރި އިޖްތިމާޢީ ވިއުގަތައް ކަމަށްވާމައިސްޕޭސްއާއި ބީބޯއަށްވުރެ ގިނަދުވަސްވަންދެން މީހުންގެ މަޤްބޫލްކަން ނުގެއްލިހިފަހައްޓާފައެވެ.
ނަމަވެސް ޖޯންކައްނެރަލާއާއި ޖޯޝުއާ ސްޕެކްލަރ ހާމަކުރާގޮތުގައި ކުރިއަށް އޮތް ތިން އަހަރުތެރޭގައި ފޭސްބުކް ބޭނުންކުރާ މީހުންގެ އަދަދު 80 އިންސައްތަ ދަށަށްދާނެ ކަމަށެވެ.
ގޫގްލް ޓެރެންޑް ޚިދުމަތުންދައްކާގޮތުގައި ފޭސްބުކް ސާޗްތައް ޑިސެމްބަރ 2012 އިން ފަށައިގެންވަނީދަށަށްގޮސްފައެވެ.
ކިޔުންތެރިންގެ ހިޔާލު