ޖިންނިއެއް ކަމަށް ބުނެ ދަރިފުޅު މަރާލަން އުޅެފި
29 ޖެނުއަރީ 2014 0:20
އަމިއްލަ ދަރިފުޅަކީ ޖިންނިއެއް ކަމަށްބުނެ އެމެރިކާ ފްލޮރިޑާގެ މީހަކު އޭނާގެ ދަރިފުޅު މަރާލަން އުޅެފިއެވެ.
އުމުރުން 31 އަހަރުގެ ބްރަޔަން އެޑަމްސް އޭނާގެ 11 އަހަރުގެ ފިރިހެން ދަރިފުޅު ވަލުތެރެއަށް ގެންގޮސް އެދަރިފުޅާ ދިމާއަށް "ދަރިފުޅަކީ މިހާރު ޖިންނިއެއް" މިހެން ބުނުމަށްފަހު އެކުއްޖާ މަރާލަން އުޅުނުކަމަށް އޮކީޗޮބީ ކައުންޓީ ޝެރިފްގެ ޑެޕިއުޓީއިން ހާމަކޮށްފިއެވެ.
އެޑަމްސްގެ އަނބިމީހާ ބުނިގޮތުގައި އޭނާ އޮފީހުގައި ހުއްޓާ އޮފީހަށް އެޑަމްސް އައި ކަމަށާއި އޭނާ އަށް ޖިންނިތަކެއް ފެނުނުކަމަށް ބުނެ ވަރަށް ހާސްވެގެން ހުރެ އޭނާ އަތުން ކާރުގެ ތަޅުދަނޑި ހޯދިކަމަށެވެ.
ޑެއިލީމެއިލް ނޫހުން މައުލޫމާތުދިން ގޮތުގައި އެޑަމްސް އޭނާގެ 11 އަހަރުގެ ދަރިފުޅު ގެންދިޔައީ އެކުއްޖާ ގޭގައި ނިދަން އޮއްވައި މެންދަމު 3 ޖެހިއިރުއެވެ.ކުއްޖާ ނުފެނިގެން ފުލުހުން، ހޯދަމުންދަނިކޮށް އެޑަމްސް ފެނުނީ ވަލުތެރޭގައި ކުއްޖާއަށް ކިޔެވެލިތަކެއް ކިޔަވަނިކޮށެވެ.
ފުލުހުން ހާމަކުރިގޮތުގައި އެޑަމްސްވަނީ އޭނާ ހައްޔަރުކުރަން އައި ފުލުހުންނާ ކުރިމަތިލައި ފުލުހުންގެ އޮފިސަރުންނާއި ތަޅައިގަނެ މާރާމާރީ ހިންގާފައެވެ.
އެޑަމްސް ހައްޔަރު ކުރުމުން އޭނާބުނިގޮތުގައި އޭނާހުރީ މެތުއެމްޕެޓަމައިންކިޔާ މަސްތުވާ އެއްޗެއް ބޭނުންކޮށްގެން ކަމަށެވެ.
ކިޔުންތެރިންގެ ހިޔާލު