ޒަމްބިއާގެ ރައީސްއަކީ އަލުވިއެއް ކަމަށް ބުނުމުން ސިޔާސީ ލީޑަރަކު ހައްޔަރުކޮށްފި

ޒަމްބިއާގެ ރައީސް މައިކަލް ސަޓާއަކީ އަލުވިއެއް ކަމަށް ބުނުމުން އެޤައުމުގެ ސިޔާސީ ލީޑަރެއް ކަމުގައިވާ ފްރޭންކް ބުވާލްޔާ ހައްޔަރުކޮށްފިއެވެ.

ޚަބަރުތަކުން ބުނާގޮތުގައި ކޯޓު މަރުހަލާގައި މިމައްސަލަ ބުވާލްޔާގެ މައްޗަށް ސާބިތުވެއްޖެނަމަ އޭނާގެ މައްޗަށް ފަސް އަހަރުގެ ޖަލު ޙުކުމެއް އަންނާނެއެވެ.ބްވާލްޔާ އެޤައުމުގެ ރައީސްއަކީ އަލުވިއެއްކަމަށް ބުނީ ވަގުތުން ފޮނުވި ރޭޑިއޯ ޕްރޮގްރާމެއްގައެވެ.

"ފުލުހުން ނިންމީ ބުވާލްޔާ ހައްޔަރުކުރުމަށް. އަދި އޭނާ ހައްޔަރުކޮށްފައިވަނީ ރައީސްގެ އަބުރަށް އަރައިގަތުމުން،" ޖެނެރަލް އެލައެންސްގެ ސެކްރެޓަރީ ހާމަކުރިއެވެ.ނަމަވެސް ބްވާލްޔާވަނީ މިތުހުމަތަށް އިންކާރުކޮށްފައެވެ. އޭނާ ބުނާގޮތުގައި އޭނާ ދެއްކީ މުޅިން އެހެންވާހަކައެކެވެ.