ލޯބިވެރިޔާއަށް ދޮންކެޔޮވަކަކުން ހަމަލާދިން މީހަކު ހައްޔަރުކޮށްފި
7 ޖެނުއަރީ 2014 1:00
ލޯބިވެރިޔާއަށް ދޮންކެޔޮވަކަކުން ހަމަލާދިން އެމެރިކާގެ ފްލޮރިޑާ މީހަކު އެސަރަޙައްދުގެ ފުލުހުން ހައްޔަރުކޮށްފިއެވެ.
ފުލުހުން ހާމަކުރާގޮތުގައި އުމުރުން 36 އަހަރުގެ ފިލިޕް ޖޯސެފް ސްމޮލިންސްކީ ހައްޔަރުކޮށްފައިވަނީ އޭނާގެ ލޯބިވެރިޔާއަށް ދޮނެކެޔޮވައްތަކަކުން "ގެވެށި" އަނިޔާދިނުމުގެ ކުށުގައެވެ.
ރިކޯޑްތައް ދައްކާގޮތުން އޭނާ ހައްޔަރުކުރެވިފައިވަނީ ކަފާލާތުގެ ދަށުން ދޫނުކުރެވޭގޮތަށެވެ. އަދި މިމައްސަލައާ ގުޅިގެން ސްމޮލިންސްކީގެ ފަރާތުން ވަކީލަކު ހަމަޖައްސައިވާކަމެއް ރިކޯޑްތަކުން ހާމަކޮށްފައިނުވާކަމަށް ނޫސްތަކުން ބުނެއެވެ.
ސްމޮލިންސްކީގެ ލޯބިވެރިޔާ ތުހުމަތުކުރާގޮތުގައި އޭނާގެ ގޭގައި ސްމޮލިންސްކީވަނީ އޭނާގެ ގައިގައި ދޮންކެޔޮވަކަކުން ޖަހާފައެވެ. ނަމަވެސް ސްމޮލިންސްކީ ބުނާގޮތުގައި އޭނާ އޭނާގެ ލޯބިވެރިޔާގެ ގައިގައި ދޮންކެޔޮވަކަކުން ޖެހީ އޭނާގައިގައި އޭނާގެ ލޯބިވެރިޔާ އެންމެ ފުރަތަމަ އެދޮންކެޔޮވަކުން ޖެހީމައެވެ. ލޯބިވެރިޔާވަނީ މިކަން ދޮގުކޮށްފައެވެ.
ފުލުހުން ބުނާގޮތުގައި ސްމޮލިންސްކީގެ ލޯބިވެރިޔާގެ މޫނުގެ ބައެއްވަނީ ދޮންކެޔޮވަކުން ޖެހީމައި ހިސާބަކަށް ރަތްވެފައެވެ.
ކިޔުންތެރިންގެ ހިޔާލު