ގޭގައި ގެންގުޅޭ ޖަނަވާރުތަކަށް ޚާއްޞަ ރެސްޓޯރަންޓެއް ޖަރުމަނުގައި ހުޅުވައިފި

ގޭގައި ގެންގުޅޭ ޖަނަވާރުތަކަށް ޚާއްޞަކޮށްގެން ރެސްޓޯރަންޓެއް ޖަރުމަނުގެ ބަރލިންގައި ހުޅުވައިފިއެވެ.

"ޕެޓްސް ޑެލީ" ކިޔާ މިރެސްޓޯރަންޓުގައި ޖަނަވާރުތަކަށް ޚާއްޞަ ޑިޝްތައް ހެޔޮ އަގުގައި ލިބެން ހުންނާނެކަމަށް މައުލޫމާތު ލިބެއެވެ.

އެޖަނަވާރުތައް ގެންގުޅޭ މީހުންނަށް ކޮފީވެސް މިރެސްޓޯރަންޓުން ލިބެން ހުންނާނެކަމަށް ނޫސްތަކުން ހާމަކުރެއެވެ.

އެތަނުގެ މެނޭޖަރ، ކެތަރީނާ ވަރްކައްލާ ހާމަކުރާގޮތުގައި އެތަނުގައި މުޅިންވެސް ލިބެން ހުންނާނީ ޖަނަވާރުންނަށް ފައިދާހުރި ތާޒާ ކާނާއެވެ. އަދި އެތަނުގައި 'ޖަންކް ފުޑް' ލިބެން ނުހުންނާނެ ކަމަށްވެސް އޭނާ ބުނެފައިވެއެވެ.