ކްރިސްމަސް ފާހަގަކުރަން ކޯރަކަށް އެރުމުން ޕިރާންހާ މަސްތަކެއް ހަމަލާދީފި

ކްރިސްމަސް ފާހަގަކުރަން އަރޖެންޓީނާގެ ރޯޒާރިއޯ ސިޓީގެ ޕަރާނާ ކޯރަށް އެރި އުޅުނު ބަޔަކަށް ނުރައްކާތެރި ޕިރަންހާ މަސްތަކެއް ހަމަލާދީފިއެވެ.

ޚަބަރުތަކުން ބުނާގޮތުގައި ޕިރަންހާ މަހުގެ މިހަމަލާގައި 60 މީހުންނަށް ވުރެ ގިނަ މީހުންނަށް އަނިޔާވެފައިވެއެވެ. އަދި ލިބުނު ޒަހަމްތަކުގެ ސަބަބުން 7 އަހަރުގެ ކުއްޖެއްގެ އިނގިއްޔެއް ބުރިކުރަން ޖެހުނެވެ.

ޒަހަމްވި މީހުންގެ ތެރޭގައި 20 ކުޑަކުދިންނާއި 40 އަށްވުރެ ގިނަ ބޮޑެތި މީހުން ހިމެނެއެވެ.

ޒަހަމްވި މީހުންނަށް ފަރުވާދެމުންދިޔަ ޑޮކްޓަރު ގުސްޓާވޯ ހާމަކުރިގޮތުގައި ޕިރަންހާ މަސްތަކުން އެމީހުންގެ އަތާއިފައިގެ އެތަކެއް ތަނެއްގައި ދަތް އަޅާ މަސްގަނޑު އިރާލައިފައިވެއެވެ.