އޮބާމާކެއަރ" ލޭބަލްޖެހި ގިނަ ޢަދަދެއްގެ މަސްތުވާތަކެތި ފުލުހުން ހިފަހައްޓައިފި"
25 ޑިސެމްބަރ 2013 2:19
އެމެރިކާގެ މެސެޗުސެޓްސް ސްޓޭޓްގެ ފުލުހުން ހުއްޓުވި ކާރެއްގެ ތެރެއިން "އޮބާމާކެއަރ" ލޭބަލްޖެހި 1250 ޕެކެޓް މަސްތުވާތަކެތި ފެނިއްޖެއެވެ.
ފުލުހުންވަނީ އެކާރުގެ ތެރެއިން "ކަރޓް ކޮބެއިން" ލޭބަލްޖެހި މަސްތުވާތަކެތީގެ ވައްތަރެއް ކަމުގައިވާ ހެރޮއިން ނުވަތަ "ހަކުރު" ޕެކެޓްތަކެއްވެސް ނަގާފައެވެ. އެކާރުގައި ތިބި ހަތަރު މީހުން މިމައްސަލައާއި ގުޅިގެން ފުލުހުންވަނީ ހައްޔަރުކޮށްފައެވެ.
ފުލުހުން ހާމަކުރިގޮތުގައި ފުލުހުން އެކާރު މަޑުކުރުވީ ޓްރެފިކް ޤަވާއިދާ ޚިލާފް ކަންތައްތަކެއް ފާހަގަވުމުންނެވެ. އަދި ކާރުގެ ޑްރައިވަރުގެ އަތުގައި ކާރު ދުއްވުމުގެ ލައިސެންސެއް ނެތްކަމުގައިވެސް ފުލުހުން ބުނެއެވެ.
ފުލުހުންގެ އިސްވެރިއެއް ކަމުގައިވާ ޑެނިއަލް ރިޗަރޑްސް ހާމަކުރިގޮތުގައި މިހާރަކަށް އައިސް "އޮބާމާ ކެއަރ" ލޭބަލް ޖެހި މަސްތުވާތަކެތި އެމެރިކާގައި ވަނީ އާންމުވެފައެވެ.
ކިޔުންތެރިންގެ ހިޔާލު