ބުޅަލަށް ކާންދޭންވެގެން ވައްކަން ކުރަމުނަދިޔަ މީހަކު ހައްޔަރުކޮށްފި

ވަޒީފާނެތް ޖަޕާނުގެ މީހަކު އޭނާ ގެންގުޅޭ 120 ބުޅަލަށް ކާންދޭނެ ގޮތެއް ނެތިގެން އެބުޅާތަކަށް ކާންދޭންވެގެން އަހަރެއް ވަންދެން ވައްކަން ކުރަމުން ދަނިކޮށް ހައްޔަރުކޮށްފިއެވެ.

48 އަހަރުގެ މަމޯރޫ ޑެމީޒޫ ވަނީ އަހަރެއްގެ ތެރޭގައި 185000 އެމެރިކާ ޑޮލަރުގެ އަގު ހުރި ތަކެތި ވަގަށް ނަގާފައެވެ.

އޭނާ ހާމަކުރިގޮތުގައި އޭނާގެ ބުޅާތަކަށް ކާންދޭންވެގެން ދުވާލަކަށް 25000 ޔެން ހޭދަކުރިއެވެ. އަދި ފުލުހުން ހާމަކުރިގޮތުގައި ޑެމީޒޫގެ ބަޔާނުގައި ބުނެފައިވާގޮތުގައި އޭނާ އެންމެ އުފާވަނީ އޭނާގެ ބުޅާތައް ރަނގަޅަށް ކާންލިބި އުފަލުގައި އުޅޭތަން ފެނުމުން ކަމަށެވެ.

ޖަޕާނުގެ އިޒޫމީ ސިޓީގައި ހުންނަ އޭނާގެ ގޭގައި 20 ބުޅާ ގެންގުޅެފައިވާއިރު އިތުރު 100 ބުޅާ އެގޭކައިރީ ގުދަނެއްގައި އޭނާ ގެންގުޅުނެވެ.