އަދަބު ކުޑަ ކަސްޓަމަރުންނަށް ކޮފީ އަގުބޮޑުކޮށްފި
14 ޑިސެމްބަރ 2013 22:31
އަދަބު ކުޑަ ކަސްޓަމަރުންނަށް ފްރާންސްގެ ކެފޭއަކުން ކޮފީ އަގުބޮޑުކޮށްފިއެވެ.
ފްރާންސްގެ މަޝްހޫރު ކެފޭއެއް ކަމުގައިވާ ލެ ޕެޓީޓް ސީރާގައި ކަސްޓަމަރުން 'ޕްލީޒް' ބުނެފައި ކޮފީއަށް އޯޑަރު ކުރާނަމަ ކޮފީގެ އަގަކީ 3.40 ޕައުންޑެވެ. އަދި ކޮފީ ނިންމާފަ "ބޮންޖޯރ" އޭ ބުނެފި ނަމަ ކޮފީ 1.20 ޕައުންޑަށް އަގުހެޔޮވެއެވެ.
ކޮފީއަށް އޯޑަރު ކުރާއިރު ބޭއަދަބީކޮށް އޯޑަރު ކުރާނަމަ ކޮފީގެ އަގަކީ 5.80 ޕައުންޑެވެ.
ކެފޭގެ މެނޭޖަރު ހާމަކުރިގޮތުގައި މިގޮތަށް އަގުތަކަށް ބަދަލު ގެންނަންޖެހުނީ ބައެއް ކަސްޓަމަރުންގެ އަމަލުތައް ހުންނަ ގޮތުން އެތަނުގެ މުވައްޒަފުން އެކަމާ ކަންބޮޑުވުން ފާޅުކުރުމުންނެވެ.
"މިހާރު ވަރަށް ރަނގަޅު. ވަރަށް ހިތްހަމަޖެހިފައި އެންމެންވެސް ތިބެނީ. ކަސްޓަމަރުންވެސް. މުވައްޒަފުންވެސް. އެންމެންވެސް ތިބެނީ ހިނިތުންވެފައި،" އޭނާ ހާމަކުރިއެވެ.
ކިޔުންތެރިންގެ ހިޔާލު