މަތިންދާ ބޯޓެއްގައި ދަތުރު ކުރަނިކޮށް ނިދިފައި އޮތްމީހަކު ބޯޓު ތެރޭ ބާއްވާފައި ބޯޓު ބަންދުކޮށްފި
12 ޑިސެމްބަރ 2013 1:21
ލޫސިއާނާ އިން ދަތުރު ކުރަމުން ދިޔަ މަތިންދާބޯޓުގައި އިން ފަސިންޖަރަކު ބޯޓު ތެރޭގައި ނިދިފަ އޭނާއަށް ހޭލެވުނީ ކަޅު އަނދިރި ހުސްވެފައިވާ ބަންދުކޮށްފައިވާ މަތިންދާބޯޓެއްގައެވެ.
ޓޮމް ވެގްނާ ނަމަކަށް ކިޔާ މި ފަސިންޖަރު އޭބީސީ ނިއުސްއަށް ހާމަކޮށްފައިވާ ގޮތުގައި ޔުނައިޓަޑް އެކްސްޕްރެސްގެ ކްރޫ އިން އޭނާ ރައްޓެހިވެގެން އުޅޭ ކުއްޖާ މެދުވެރިކޮށް ކަމާބެހޭ ފަރާތްތަކަށް އެންގި ފަހުންވެސް މަތިންދާބޯޓު ތެރޭގައި ބައިގަނޑިއިރަށް ވުރެ ގިނަ ވަގުތު ބަހައްޓާފައިވާ ކަމަށެވެ.
މިހާދިސާ ހިގަން މެދުވެރިވީ ހުކުރު ދުވަހު މަތިންދާ ބޯޓުގެ އެންމެ ފަހަތުގައި އިން ކުޑަ ދޮރާވީ ސީޓްގައި އޮވެ އޭނާއަށް ނިދުނީމައެވެ. އަދި ބޯޓުން އެންމެ ފޭބުމުންވެސް އެއްވެސް މީހެއް ވެގްނާއަށް ގޮވާ ހޭނުލައްވައެވެ. އޭނާއަށް ހޭލެވުނީ ކަޅު އަނދިރިވެފައިވާ ފިނިގަދަ އަދި ދޮރުތައް ތަޅުލެވިފައިވާ މަތިންދާ ބޯޓެއްގެ ތެރޭގައެވެ.
އޭނާގެ ނަސީބު ހުރިގޮތުން އޭނާގެ ފޯނު އޮތީ ނުނިވިއެވެ. " އަހަރެން ރައްޓެހިވެގެން އުޅޭ ކުއްޖާއަށް ގުޅިން، އޭނާ ހީކުރި އަހަރެން މޮޔަވީކަމަށް،" އަހަރެން ބުނިން " ޑެބީ، އަހަރެން މިހިރީ މަތިންދާބޯޓުގައި ތާށިވެފަ" ވެގްނާ އޭބީސީ ނިއުސްއަށް ކިޔައިދިނެވެ. އަހަރެން ބުނިން " އަހަރެން މިހަދަނީ ތެދޭ، ކަލޭ އަވަހަށް ކޮންމެވެސް ގޮތެއް ހަދައިގެން އަހަރެން މީގެ ތެރެއިން ނުކުމެވޭގޮތެއް ހަދާބަލާށޭ."
ބައިގަޑި ފަހުން މަސައްކަތުމީހުން އައިސް މަތިންދާ ބޯޓު ހުޅުވައި ވެގްނާ ސަލާމަތްކުރިއެވެ. އޭނާ ކޭވީއީއޯ އަށް މަޢްލޫމާތު ދިން ގޮތުގައި އެމީހުން ބޭނުންވީ މިކަން ސިއްރުކޮށް ބޭއްވުމަށް ކަމަށާއި އެގޮތުން ކައިރި ހޮޓަލަކަށް ގެންގޮސް 250 ޑޮލަރުގެ ފްލައިޓް ވައުޗަރ އެއްދީ މިކަންތައް ނުވާކަމަކަމަށް ހަދާލަން އުޅުނު ކަމަށް ބުނެފައިވެއެވެ.
ކިޔުންތެރިންގެ ހިޔާލު